गोदामाईचे उपाध्यक्ष उदगीरकर केंद्रसरकारच्या जलशक्ती मंत्रालयाच्या जलप्रहरी पुरस्काराने सन्मानित

सविस्तर वृत्त असे की, कोपरगाव येथील गोदामाई प्रतिष्ठानचे उपाध्यक्ष ब चिन्मय उदगीरकर हे मराठीसृष्टीतलं एक मोठं नाव असून ते गेल्या पंधरा वर्षापासून गोदावरी नदी अविरल निर्मल स्वच्छ सुंदर वाहण्यासाठी  प्रयत्न करत आहे. त्यासोबतच नाशिक अहिल्यानगर जिल्ह्यामध्ये रेन वॉटर हार्वेस्टिंग साठी अनेक माध्यमातून जनजागृती करत आहे. प्रसिद्ध ब्रह्मगिरी डोंगर हा वाचला पाहिजे यासाठी त्यांनी हजारो देशी वृक्ष डोंगरावर लावली आहेत ब्रह्मगिरीवरून जे पावसाचे पाणी वाहून जाते त्याला छोटे छोटे बंधारे करून ते जमिनीमध्ये कसं मुरवता येईल यासाठी ही त्यांनी प्रयत्न केलेले आहे. तसेच आजच्या युवा पिढीला निसर्ग संवर्धनाचे महत्व कळावे या साठी अनेक शाळा महाविद्यालयात जनजागृती साठी मार्गदर्शन देखील केले आहे.