वटसावित्री पौर्णिमेनिमित्त तालुक्यात ११०० वटवृक्षांचे रोपण; वटसावित्री पौर्णिमेनिमित्त दंडकारण्य अभियानातून उपक्रम

याप्रसंगी दुर्गा तांबे म्हणाल्या की, सहकार महर्षी भाऊसाहेब थोरात यांच्या संकल्पनेतून सुरु झालेल्या दंडकारण्य अभियानाचा तालुक्यात मोठा विस्तार झाला आहे. यामध्ये नागरिकांचाही मोठा सहभाग आहे. वटसावित्री पौर्णिमेला भारतीय परंपरेत मोठे स्थान असून यानिमित्त देव वृक्षांची आपण पूजा करतो. हे वृक्ष सर्वाधिक ऑक्सिजन देणारी आहेत. दंडकारण्य अभियानाअंतर्गत आपण प्रत्येक गावात  वटवृक्षांचे रोपन करतो. यावर्षीही आपण 1100 वटवृक्षांचे रोपन केले आहे. तालुक्यातील महिला पदाधिकारी यांनी प्रत्येकी 10 याप्रमाणे गावांत वटवृक्षांचे रोपन केले आहे. पुढील पिढ्यांसाठी आपल्याला ऑक्सिजनची कमतरता भासू नये याकरता सर्वांनी वृक्षांचे रोपण ,संवर्धन करणे अत्यंत महत्त्वाचे आहे. यामध्ये पिंपळ, वड ,उंबर ,आंबा, कडूनिंब, चिंच या वृक्षांचे रोपण व संवर्धन करणे अत्यंत गरजेचे असल्याचे त्या म्हणाल्या.

तर डॉ.जयश्रीताई थोरात म्हणाल्या की, निसर्ग आणि पर्यावरण प्रत्येकाने जपले पाहिजे. कोरोना संकटात प्रत्येकाला ऑक्सिजनचे महत्त्व कळाले परंतु काळ बदलला आणि माणसं विसरली. उन्हाळ्यामध्ये प्रचंड उष्णता निर्माण झाली. पावसाळा सुरू होऊ नये पाऊस अद्याप चांगला झालेला नाही. पर्यावरणाचा समतोल ढासळल्यामुळे या आपत्ती आल्या आहेत. या समस्या टाळण्यासाठी पर्यावरण रक्षण अत्यंत महत्त्वाची आहे याकरता प्रत्येकाने या पावसाळ्यामध्ये किमान दोन झाडे लावून त्याची संगोपन केले पाहिजे. ते तुमच्या जीवनाचे मोठे भांडवल ठरणार आहे. निरोगी जीवनासाठी प्रत्येकाला ऑक्सिजन सह चांगले पर्यावरण गरजेचे आहे. आहार आणि व्यायाम ही निरोगी जीवनाची गुरुकिल्ली असून प्रत्येकाने निसर्ग जपा असे आवाहन त्यांनी केले.

यावेळी उपस्थित महिलांनी निसर्गाची गाणी गात वटपौर्णिमा साजरी केली. याप्रसंगी गावातील व परिसरातील महिला भगिनी मोठ्या संख्येने उपस्थित होत्या.