नगरपरिषद कर्ज बाजारी करू नका; आ. आशुतोष काळेंच्या माध्यमातून लोकवर्गणीचा प्रस्ताव मंजूर करून घ्या- गटनेत्या  गौरी पहाडे

 नगरपरिषद कर्ज बाजारी करू नका; आ. आशुतोष काळेंच्या माध्यमातून लोकवर्गणीचा प्रस्ताव मंजूर करून घ्या– गटनेत्या  गौरी पहाडे

नगरपरिषद कर्ज बाजारी करू नका; आ. आशुतोष काळेंच्या माध्यमातून लोकवर्गणीचा प्रस्ताव मंजूर करून घ्या– गटनेत्या  गौरी पहाडे

Kopargaon vijay kapse दि २१ सप्टेंबर २०२६–   कोपरगाव नगरपरिषदेची सर्व साधारण सभा सोमवार (दि.२१) रोजी सभागृहात पार पडली. या सभेमध्ये भुयारी गटार लोकवर्गणी व पाणी पुरवढा योजनेसाठी सत्ताधाऱ्यांकडून युआयडीएफ योजनेंतर्गत शासनाकडून कर्ज काढण्याचा ठराव मांडण्यात आला. यावेळी नगरपरिषदने कर्ज न काढता लोकवर्गणी माफ करण्याचा व पाणी पुरवठा योजनेसाठी लागणाऱ्या अधिकच्या निधीचा प्रस्ताव तयार करून आ. आशुतोष काळेंच्या माध्यमातून मंजूर करून घ्यावा अशी सूचना राष्ट्रवादी कॉंग्रेसच्या गटनेत्या गौरी पहाडे यांनी मांडली.

सभेत बोलताना गौरी पहाडे म्हणाल्या की, शहरात भुयारी गटार योजना राबवण्यासाठी २७ टक्के लोकवर्गणी शासनाकडे जमा करणे आवश्यक आहे. त्यासाठी नगरपरिषद कर्ज काढण्याच्या तयारीत आहे. मात्र नगरपरिषदेची आर्थिक परिस्थिती पाहता कर्ज काढणे योग्य नाही. जर नगरपरिषदेने हे कर्ज घेतले तर त्याचे हप्ते फेडण्यातच मोठा निधी खर्च होईल. परिणामी शहरातील नागरिकांना दिल्या जाणाऱ्या मूलभूत आणि हक्काच्या सोयीसुविधांवर त्याचा विपरीत परिणाम होईल. त्यामुळे नगरपरिषदेने कर्ज काढणे संयुक्तिक ठरणार नाही. ज्या प्रमाणे आ. आशुतोष काळे यांनी सुवर्ण जयंती नगरोत्थान अभियानाअंतर्गत शहराचा पाणीप्रश्न सोडवण्यासाठी ५ नंबर साठवण तलावाकरिता १३१ कोटींचा निधी आणला होता. त्या वेळी लागणारी १५ टक्के लोकवर्गणीची २० कोटी रुपये माफ करून आणली आहे. यातील १० कोटी रुपये नगरपरिषदेला प्राप्तही झाले आहेत. त्याच धर्तीवर भुयारी गटार योजनेची २७ टक्के लोकवर्गणी माफ करण्याचा प्रस्ताव नगरपरिषदेने तयार करून आमदार आशुतोष काळे यांच्याकडे सुपूर्द करावा. आ. आशुतोष काळे हे महायुती सरकारच्या माध्यमातून हा प्रस्ताव मंजूर करून आणतील.

तसेच आ. आशुतोष काळे यांनी कोपरगाव शहराचा पाण्याचा प्रश्न सोडविण्यासाठी १३१ कोटी रुपयांचा निधी उपलब्ध करून ५ नंबर तळ्याचे काम पूर्ण केले आहे. परंतु १ ते ४ साठवण तलावांचे काम करण्यासाठी निधी कमी पडत आहे. यामुळे अधिकचा निधी मिळवण्यासाठी नव्याने प्रस्ताव तयार करून नगरपरिषदेने आ. आशुतोष काळे यांच्याकडे द्यावा. आ. आशुतोष काळे महायुती शासनाच्या माध्यमातून हा देखील प्रस्ताव मंजूर करून आणतील अशी सूचना राष्ट्रवादी कॉंग्रेसच्या गटनेत्या गौरी पहाडे यांनी मांडली.

दरम्यान कोपरगाव शहराच्या व नागरिकांच्या हिताचे ठराव सभागृहासमोर मांडण्यात आले होते. त्या ठरावांना राष्ट्रावादी कॉंग्रेसच्या सर्व नगरसेवकांनी पाठींबा दर्शविला असल्याची माहिती राष्ट्रवादी कॉंग्रेसच्या गटनेत्या  गौरी पहाडे यांनी दिली.