मेधा महोत्सवात प्रा.नितीन बानगुडे, सिनेअभिनेत्री ऋता दुरगुळे,हास्यसम्राट दीपक देशपांडे येणार
संगमनेर विजय कापसे दि १४ मार्च २०२४– उच्च गुणवत्तेच्या शिक्षणाबरोबर विद्यार्थ्यांच्या सर्वांगीण विकासासाठी सातत्याने काम करणाऱ्या राज्य पातळीवरील अग्रमानांकित असलेल्या अमृतवाहिनी शिक्षण संस्थेतील मेधा सांस्कृतिक महोत्सवासाठी शिवव्याख्याते प्रा नितीन बानगुडे, सिने अभिनेत्री ऋता दुरगुळे, हास्य सम्राट प्रा दीपक देशपांडे, हॉकी संघातील युवराज वाल्मिकी सहभागी होणार असून हा भव्य मेधा महोत्सव 15 व 16 मार्च रोजी अमृतवाहिनीत होणार असल्याची माहिती विश्वस्त सौ. शरयूताई देशमुख यांनी दिली आहे.
शनिवारी 16 मार्च रोजी सकाळी 11 वा. भारतीय हॉकी संघातील हॉकीपटू युवराज वाल्मिकी व हास्य सम्राट प्रा. दीपक देशपांडे यांच्या उपस्थितीमध्ये मार्गदर्शन होणार आहे.तर सायंकाळी 6 वा. मेधा मैदानावर म्युझिकल स्पोर्ट व विद्यार्थ्यांचे दर्जेदार सांस्कृतिक कार्यक्रम होणार आहेत. या सर्व कार्यक्रमांची जय्यत तयारी अंतिम टप्प्यात आली असून या सर्व कार्यक्रमांना सर्व विद्यार्थी व पालक यांनी उपस्थित राहावे असे आवाहन मेधा महोत्सव समिती व अमृतवाहिनी शिक्षण संस्थेच्या वतीने करण्यात आले आहे.
