साईगाव पालखीच्या भाविकांना शिर्डी वरून कोपरगावला यायला वाहनांची सुसज्ज व्यवस्था

कोपरगाव विजय कापसे दि १५ एप्रिल २०२४– जगभरातील भाविकांचे श्रद्धास्थान असलेले शिर्डी हे साईबाबांचे देवस्थान असून  श्री राम नवमीला शिर्डीमध्ये लाखो भाविक दर्शनाला येत असतात याच अनुषंगाने गेल्या अनेक वर्षांपासून कोपरगाव येथील मुंबादेवी तरुण मंडळाच्या वतीने आयोजित साई गाव पालखी द्वारे कोपरगाव तालुक्यातील हजारो भाविक रामनवमीनिमित्त शिर्डीला पायी जात असतात यावेळी संपूर्ण कोपरगाव शिर्डी साई पालखी महामार्ग साई भक्तांनी फुलून गेलेला असतो.

सालाबाद प्रमाणे याही वर्षी बुधवार दि १७ एप्रिल रोजी असलेल्या रामनवमीनिमित्त मुंबादेवी तरुण मंडळाच्या वतीने आयोजित साईगाव पालखीने हजारो भाविक कोपरगाव वरून श्री साईबाबांच्या दर्शनाला शिर्डी येथे जाणार असून या भाविकांना शिर्डी वरून परत कोपरगावला येण्यासाठी मोठया प्रमाणात  वाहनांची सुसज्ज अशी व्यवस्था करण्यात आली असल्याची माहिती मुंबादेवी तरुण मंडळ आयोजित साईगाव पालखीच्या आयोजकांनी दिली आहे.