शरयू देशमुख यांना उदम हिरकणी पुरस्कार
संगमनेर विजय कापसे दि ८ मार्च २०२६–अमृतवाहिनी शेती व शिक्षण विकास संस्थेच्या कार्यकारी विश्वस्त सौ शरयू ताई देशमुख यांना छत्रपती संभाजीनगर येथील उदम इन्फो सोल्युशन लिमिटेड या संस्थेच्या वतीने आंतरराष्ट्रीय महिला दिनाच्या निमित्ताने उदम हिरकणी पुरस्कार देऊन गौरवण्यात आले आहे.
छत्रपती संभाजीनगर येथील उद्धव इन्फो सोलुशन प्रायव्हेट लिमिटेड या संस्थेच्या वतीने दरवर्षी सामाजिक विकास शिक्षण ग्रामीण विकास शेती सेवाक्षेत्र स्वयंरोजगार व महिला सक्षमीकरण या क्षेत्रात उल्लेखनीय काम करणाऱ्या महिलांना आंतरराष्ट्रीय महिला दिनाच्या निमित्ताने उदम पुरस्कार देऊन सन्मानित करण्यात येते.
सौ शरयूताई देशमुख यांनी लोकनेते बाळासाहेब थोरात यांच्या मार्गदर्शनाखाली शिक्षण क्षेत्रात योगदान देताना अमृतवाहिनी शिक्षण संस्थेची गुणवत्ता वाढवण्याबरोबर सातत्याने सामाजिक उपक्रम वाढवले आहे याचबरोबर या संस्थेमधील विद्यार्थ्यांचा आंतरराष्ट्रीय पातळीवर समन्वय निर्माण करून अनेक विद्यार्थ्यांना चांगल्या नोकरीच्या संधी मिळवून देण्यासाठी पुढाकार घेतला आहे. महिला सक्षमीकरण शिक्षण यामध्येही सातत्याने योगदान दिले असून त्यांच्या कामाची दखल घेऊन त्यांना सन्मानचिन्ह प्रमाणपत्र देऊन उदम इन्फो सोल्युशन ने उदम हिरकणी पुरस्काराने गौरविले आहे.
सौ शरयूताई देशमुख यांना या जागतिक महिला दिनाच्या निमित्ताने मिळालेल्या या पुरस्काराबद्दल लोकनेते बाळासाहेब थोरात, माजी आमदार डॉ सुधीर तांबे आमदार सत्यजित तांबे, डॉ जयश्रीताई थोरात, रणजीतसिंह देशमुख, सौ दुर्गाताई तांबे, संस्थेचे मुख्य कार्यकारी अधिकारी अनिल शिंदे व्यवस्थापक प्रा. व्ही बी धुमाळ, अकॅडमी डायरेक्टर डॉ जे बी गुरव, प्राचार्य डॉ. एम ए व्यंकटेश, डॉ बी एम लोंढे,डॉ मनोज शिरभाते, डॉ मच्छिंद्र चव्हाण, सौ जेबी सेटटी ,अंजली कन्नावार ,विलास भाटे, आशिष कुमार, यांच्यासह सर्व विभाग प्रमुख शिक्षक व शिक्षकेतर कर्मचाऱ्यांनी अभिनंदन केले आहे.
