के. बी. रोहमारे कला, वाणिज्य व विज्ञान कनिष्ठ महाविद्यालयात हर घर तिरंगा अभियानाअंतर्गत विविध उपक्रमांचे आयोजन
के. बी. रोहमारे कला, वाणिज्य व विज्ञान कनिष्ठ महाविद्यालयात हर घर तिरंगा अभियानाअंतर्गत विविध उपक्रमांचे आयोजन
महाविद्यालयाच्या वतीने माजी सैनिकांचा सन्मान
कोपरगाव विजय कापसे दि १५ ऑगस्ट २०२४– कोपरगाव येथील के बी रोहमारे कनिष्ठ महाविद्यालयात दिनांक ९ ऑगस्ट १५ ऑगस्ट २०२४ या कालावधीत ‘हर घर तिरंगा’ या अभियाना अंतर्गत विविध उपक्रमांचे आयोजन करण्यात आले यामध्ये तिरंगा यात्रा, तिरंगा रॅली, तिरंगा मॅरेथॉन, तिरंगा कॅनव्हास ,तिरंगा प्रतिज्ञा व तिरंगा सेल्फी इत्यादी उपक्रम राबविण्यात आले तसेच १४ ऑगस्ट रोजी कोपरगावातील माजी सैनिकांचा सत्कार सन्मान करण्यात आला.
या कार्यक्रमाचे प्रमुख पाहुणे म्हणून कोपरगाव तालुक्यातील माजी सैनिक संघटनेचे अध्यक्ष युवराज गांगवे हे होते तर कार्यक्रमाचे अध्यक्ष महाविद्यालयाचे प्र. प्राचार्य डॉ. बी.बी.भोसले यासह महाविद्यालयाचे रजिस्टार डॉ. ए.सी. नाईकवाडे, सैनिक जालिंदर जगताप, सचिन शेळके, सागर शेंडगे, गणेश रक्ताटे, मच्छिंद्र चौधरी आदी प्रमुख मान्यवर उपस्थित होते.या प्रसंगी महाविद्यालयाच्या वतीने उपस्थित सर्व माजी सैनिकांचा सन्मान करण्यात आला.
या प्रसंगी कार्यक्रमाचे प्रमुख पाहुणे युवराज गांगवे यांनी सैनिकांचे जीवन व प्रत्येक विद्यार्थ्याने मेहनत करून आपले ध्येय साध्य करावे याबद्दल मार्गदर्शन केले. कार्यक्रमाला कनिष्ठ महाविद्यालयाचे उपप्राचार्य बी. आर सोनवणे, एस. बी जगझाप, बी.डी. होन आदी शिक्षक वृंद उपस्थित होते. या कार्यक्रमाचे सूत्रसंचालन प्रा. जे.आर भोंडवे यांनी केले तर उपस्थित मान्यवरांचे प्रा.जी.ए जेजुरकर यांनी व्यक्त केले. हर घर तिरंगा अभियानासाठी महाविद्यालयातील प्रा. डी जे जाधव, प्रा. डी एस बुधवंत, प्रा. ए जी वाघ, क्रीडा शिक्षक एम व्ही कांबळे आदींनी विशेष परिश्रम घेत हर घर तिरंगा अभियान महाविद्यालयात यशस्वीपणे संपन्न केले.
