संत ज्ञानेश्वर शाळेच्या दहावीची १०० टक्के निकालाची परंपरा कायम

शाळेच्या तब्बल १५ विद्यार्थ्यांनी ८० टक्के पेक्षा जास्त गुण प्राप्त केले आहे तर २१ विद्यार्थ्यांनी ७५ टक्के पेक्षा जास्त गुण प्राप्त केले आहे. या सर्व विद्यार्थ्यांनी नेत्रदिपक यश संपादन केले आहे. शाळेची शंभर टक्के निकालाची परंपरा तसेच कृतीयुक्त शिक्षण, वेळेचे योग्य नियोजन व विद्यार्थ्यांकडून पूर्वपरीक्षेच्या माध्यमातून सराव करून घेतल्याने शाळेची गुणवत्ता उंचावली आहे. त्यामुळेच या शैक्षणिक वर्षात शाळेच्या प्रवेशासाठी नवीन विद्यार्थी व पालकांचा उत्स्फूर्त प्रतिसाद मिळत आहे.

सर्व यशस्वी विद्यार्थ्यांचे संस्थेच्या वतीने संस्थापक अध्यक्ष राजेंद्र झावरे, उपाध्यक्ष किरण भोईर, विश्वस्त राजेंद्र सालकर,कैलास जाधव, पोपट झुरळे,विशाल झावरे, मुख्याध्यापक सचिन मोरे,उपमुख्याध्यापिका वैशाली लोखंडे आदी सर्व शिक्षकांनी सर्व विद्यार्थी व पालकांचे अभिनंदन केले व भावी वाटचालीस शुभेच्छा दिल्या.