रांजणगाव देशमुख ते झगडे फाटा रस्ता आजुन किती लोकांचा घेणार बळी – बाळासाहेब गव्हाणे

कोपरगांव विजय कापसे दि २६ मे २०२५– कोपरगाव – संगमनेर-पुणे  या  महत्वाच्या शहरांना जोडणारा  झगडेफाटा-पोहेगाव ते रांजणगाव देशमुख या रस्त्याची खड्यांमुळे अवस्था अतिशय दयनिय झाली आहे. या रस्त्यावरचा प्रवास लोकांच्या जीवावर बेतणारा ठरत असून खड्यांमुळे अनेक अपघात दररोज होत आहेत.या रस्ता दुरुस्तीकडे संबधित विभागाचे पुर्णपणे दुर्लक्ष झाले असुन किती लोकांचे बळी घेतल्यानंतर हा रस्ता संबधित विभाग दुरुस्त करणार आहे असा प्रश्न या रस्त्याने नेहमी ये जा करणा-यांना पडत असून पावसाळ्याच्या आत प्रशासनाने या रस्त्याचे काम पूर्ण नाही केले तर ग्रामस्थांसमवेत मोठे जनआंदोलन उभारू असा इशारा अंजनापूरचे सामाजिक कार्यकर्ते बाळासाहेब गव्हाणे यांनी दिला आहे.