बाजार समितीने दुष्काळात नफ्यातून मदत उपक्रम राबवा,सर्वांनी मिळून धान्य बँक सुरू करावी : बिपीनदादा कोल्हे

Kopargaon vijay kapse दि ३० सप्टेंबर २०२६–कोपरगाव कृषी उत्पन्न बाजार समितीची वार्षिक सर्वसाधारण सभा संजीवनी उद्योग समूहाचे अध्यक्ष बिपीनदादा कोल्हे यांच्या प्रमुख उपस्थितीत संपन्न झाली. बाजार समितीच्या विद्यमान संचालक मंडळाच्या कार्यकाळात झालेली सर्वांगीण प्रगती आणि आर्थिक वर्षातील कामकाजाची माहिती सभापती साहेबराव रोहोम यांनी दिली.यावेळी बोलताना बिपीनदादा कोल्हे म्हणाले १९७२ प्रमाणे दुष्काळाच्या झळा बसण्याची परिस्थिती आहे.त्यावेळी स्व.कोल्हे साहेब यांनी केलेल्या उपयोजना व दुग्ध व्यवसाय वाढीसाठी प्रोत्साहन महत्वाचा आधार कोरडवाहू भागात झाला.कोपरगाव तालुक्यात खरिपाची कमी पण रब्बीची अधिक गावे आहे.दोन वेळा लँड सीलिंग ऍक्ट आला त्यामुळे आपल्या तालुक्यातील शेतकऱ्यांना बागायती भाग असल्याने त्यात जमिनी कमी झाल्या.त्यावेळी १८ एकर जमीन होती पण आज चार पिढ्यानंतर तोच शेतकरी अल्पभूधारक झाला आहे.पर्यायाने बांधावरून वाद सुरू झाले. न्यायायलीन लढाईत वेळ जातो पैसा खर्च होतो यामुळे नवीन पिढीला आपण काय देणार आहोत हा प्रश्न आहे.नानासाहेब चांदगुडे यांना सांगून राहता बाजार समितीची जागा स्व.शंकरराव कोल्हे यांनी खरेदी करण्यास सांगितले होते.नगर मनमाड मार्गावर उभे राहणारे वाहने आणि चाऱ्याचा लिलाव यामुळे तिथे अपघात होतात याबद्दल सामाजिक कार्यकर्त्यांनी आवाज उठवला त्यावर कोल्हे यांनी सकारात्मक भाष्य केले.