बुधवारी संगमनेर मध्ये महामेळा व महावादन; आमदार सत्यजित तांबे यांच्या संकल्पनेतून पारंपारिक वाद्यांना प्रोत्साहन

याबाबत अधिक माहिती देताना ते म्हणाले की, मागील वर्षापासून आमदार सत्यजित तांबे यांच्या संकल्पनेतून संगमनेर शहरातील ढोल ताशा पथकाला राज्य व राष्ट्रीय पातळीवर वाव मिळावा या उद्देशाने या भव्य महावादन मेळाव्याचे आयोजन होत आहे. संगमनेर मधील अत्यंत प्रतिष्ठेचे संगमनेरी तांडव, हिंदू राजा प्रतिष्ठान, रुद्र प्रतिष्ठान, छावा प्रतिष्ठान व एकलव्य प्रतिष्ठान या ढोल ताशा पथकातील सुमारे 750 युवक व युवती एकत्र येऊन हा महावादन मेळावा संपन्न करणार आहे.

महाराष्ट्रात ही अभिनव संकल्पना संगमनेर मध्ये प्रथम राबवली गेली आहे यामुळे संगमनेरचे अनेक कलावंत सोमनाथ गुजरात, तामिळनाडू, कलकत्ता, हिमाचल प्रदेश असे देशभरामध्ये विविध ठिकाणी कार्यक्रमासाठी जात आहेत. या सर्व कलाकारांना एकत्रित आणून हा भव्य महावादन मेळावा बुधवारी संपन्न होणार आहे.

गणेशोत्सवाच्या आनंद पर्व निमित्त बुधवार दिनांक 16 सप्टेंबर 2026 रोजी सायंकाळी 5.30 ते रात्री 10 या वेळेत संगमनेर बस स्थानक येथे हा महामेळा व महावादन संपन्न होणार आहे. यावेळी काँग्रेस पक्षाचे वरिष्ठ नेते मा.महसूलमंत्री बाळासाहेब थोरात, मा.आ.डॉ.सुधीर तांबे आमदार सत्यजित तांबे, डॉ.जयश्रीताई थोरात, नगराध्यक्ष डॉ.मैथिलीताई तांबे, सौ.दुर्गाताई तांबे, नूर मोहम्मद शेख, निखिल पापडेजा यांच्यासह संगमनेर शहर व तालुक्यातील विविध पदाधिकारी व मान्यवर उपस्थित राहणार आहेत.

तरी या महावादन व महामेळासाठी संगमनेर शहरातील युवक युवती व नागरिकांनी मोठ्या संख्येने उपस्थित राहावे असे आवाहन आय लव संगमनेर चळवळ व सर्व आयोजकांच्या वतीने करण्यात आले आहे.