गुरुवारी कर्मवीर शंकररावजी काळे यांचे १४ वे पुण्यस्मरण
Kopargaon vijay kapse दि २ नोव्हेंबर २०२६ :- ग्रामीण विकासाचा पाया भक्कम करत शिक्षण, कृषी आणि सहकार क्षेत्रात आपल्या कार्याचा अजोड ठसा उमटविणारे माजी खासदार स्व. कर्मवीर शंकररावजी काळे साहेब यांच्या १४ व्या पुण्यस्मरणानिमित्त गुरुवार (दि.०५) रोजी विविध कार्यक्रमांचे आयोजन करण्यात आले असल्याची माहिती कर्मवीर शंकरराव काळे मित्र मंडळाचे अध्यक्ष कारभारी आगवण यांनी दिली आहे.
कर्मवीर शंकररावजी काळे यांच्या समाजाभिमुख कार्याचा गौरव आणि त्यांच्या स्मृतींना अभिवादन करण्यासाठी कर्मवीर शंकरराव काळे सहकारी साखर कारखाना व मित्र मंडळाच्या वतीने दरवर्षीप्रमाणे यंदाही पुण्यस्मरण सोहळ्याचे आयोजन करण्यात आले आहे. या कार्यक्रमास माजी आमदार अशोकराव काळे, गौतम सहकारी बँकेच्या माजी संचालिका सौ. पुष्पाताई काळे, आमदार आशुतोष काळे, जिल्हा बँकेच्या माजी संचालिका सौ. चैतालीताई काळे यांच्यासह कारखान्याचे उपाध्यक्ष, सर्व संचालक मंडळ, मित्र मंडळाचे सदस्य, संलग्न संस्थांचे पदाधिकारी, कर्मचारी आणि मान्यवर उपस्थित राहणार आहेत. सहकार क्षेत्र, रयत परिवार तसेच स्व. कर्मवीर शंकररावजी काळे साहेबांवर प्रेम करणारे शेतकरी, कार्यकर्ते, हितचिंतक आणि नागरिकांनी या पुण्यस्मरण सोहळ्यास मोठ्या संख्येने उपस्थित रहावे असे आवाहन कर्मवीर शंकरराव काळे मित्र मंडळाचे उपाध्यक्ष नारायणराव मांजरे यांनी केले आहे.
