भारतीय खेळ प्रधिकरण (साई) अंतर्गत आत्मा मालिकमध्ये निवड चाचणी- नंदकुमार सूर्यवंशी

यावेळी बोलताना आत्मा मालिक ध्यानपीठाचे अध्यक्ष नंदकुमार सुर्यवंशी म्हटले की, आत्मा मालिक स्पोर्टस अकॅडमी मधील कुस्ती व हॉलीबॉल या कीडा प्रकारांना साईची मान्यता प्राप्त प्रशिक्षण केंद्र असून राज्यातील खेळाडू या खेळांचे प्रशिक्षण घेत आहे. खेळाडूंना वाव देण्यासाठी साई हा स्तुल उपक्रम असून या उपक्रमामुळे ग्रामीण भागातील खेळाडूंना साई मार्फत प्रशिक्षणाची संधी उपलब्ध होणार असल्याने भविष्यात आंतराष्ट्रीय पातळीवरील खेळाडू तयार होण्यास निश्चितच मदत होणार आहे. आत्मा मालिकमधील शैक्षणिक वर्ष २०२३-२४ मध्ये १०० पेक्षा जास्त विद्यार्थ्यांना राष्ट्रीय पातळीवर सहभाग नोंदवून एक किर्तीमान नोंदविला आहे. तरी या निवडचाचणीमध्ये राज्यभरातील खेळाडूंनी सहभागी होवून या संधीचा लाभ घ्यावा असे आव्हान यावेळी त्यांनी केले.

अधिक माहिती व नाव नोंदणी साठी संपर्क ८८३०८५५०६०, ९३२५३५२७३७ आत्मा मालिक खेलो इंडिया समन्वयक श्री. शपेंद्र त्रिपाठी सर यांच्या सोबत संपर्क साधावा अथवा आत्मा मालिक मध्ये होणाऱ्या या निवडचाचणीमध्ये कबड्डी, हॉलीबॉल, खो-खो, फुटबॉल व अॅथेलेटिक्स या किडा प्रकारामध्ये वय वर्ष ०९ ते १८ वयोगटातील मुले व मुली सहभाग घेवू शकतात. त्यासाठी खेळाडूंनी मायभारत पोर्टल https://mybharat.gov.in  या संकेतस्थळावर आपली नावनोंदणी करावी.