पढेगाव ग्रामपंचायतीच्या उपसरपंच पदी कोल्हे गटाच्या   मुक्ता बर्डे यांची बिनविरोध निवड

            कोपरगाव तालुक्यातील मौजे पढेगाव ग्रामपंचायतीवर कोल्हे गटाचे नेतृत्व विवेकभैय्या कोल्हे यांच्या मार्गदर्शनाखाली नवनियुक्त महिला उपसरपंच म्हणून मुक्ता नामदेव बर्डे यांना बिनविरोध निवड करण्यात आली आहे. परजणे गटाच्या  लक्ष्मण विश्वनाथ शिंदे यांनी राजीनामा दिल्यामुळे हे पद रिक्त झाले होते.या ग्रामपंचायत मध्ये कोल्हे परजणे युतीचे सर्वाधिक सदस्य निवडून आलेले आहेत. पढेगावच्या सरपंच मीना बाबासाहेब शिंदे यांच्या अध्यक्षतेखाली सदस्यांची आज रोजी बैठक झाली. या बैठकीच्या प्रशासकीय सहाय्यक म्हणून  बी. एम. गुंड यांनी काम पाहिले. सदस्य  बाबासाहेब भगीरथ शिंदे यांनी निवडीचा प्रस्ताव मांडला, त्यास  लक्ष्मण विश्वनाथ शिंदे यांनी अनुमोदन दिले.