संजीवनी युवा प्रतिष्ठानचा सर्व धर्मिय सामुदायिक विवाह सोहळा उत्साहात संपन्न

                     कोपरगाव शहरातील तहसील कार्यालाजवळील मैदानावर (दि.२२ एप्रिल) सोमवार रोजी संजीवनी युवा प्रतिष्ठानचा सर्व धर्मिय सामुदायिक विवाह सोहळा संत महंत आणि विविध क्षेत्रातील मान्यवरांच्या उपस्थितीत हा देखणा सोहळा पार पडला. या प्रसंगी महंत काशिकानंद महाराज, महंत कैलासगिरीनंदजी महाराज, महानुभाव पंथाचे अनंत महाराज, भन्तेजी मदन कश्यप, महंत विकासगिरीजी महाराज, महंत राघवेन्द्रनंदजी महाराज, मेथडीष्ट चर्चचे फादर भोसले, ह.भ.प.चांदगुडे महाराज, ह.भ.प. मोरे महाराज, मौलाना हाफिज बशीर, मौलाना आसिफ, मौलाना नसीर, हाजी रियाज सर, खा. सदाशिव लोखंडे, माजी खासदार  भाऊसाहेब वाकचौरे, संजीवनी उद्योग समूहाचे अध्यक्ष  बिपीनदादा शंकररावजी कोल्हे, मा.आ. स्नेहलताताई कोल्हे, दत्तूनाना कोल्हे, संजीवनी एज्युकेशनचे मॅनेजिंग ट्रस्टी अमितदादा कोल्हे,  प्रणवदादा पवार,संजीवनी युवा प्रतिष्ठाणचे अध्यक्ष विवेकभैय्या कोल्हे, इशानभैय्या कोल्हे, मनालीताई कोल्हे, रेणूकाताई कोल्हे, श्रद्धाताई कोल्हे यासह आजी माजी नगरसेवक,पदाधिकारी,कार्यकर्ते,युवा सेवक व वऱ्हाडी मंडळी मोठ्या संख्येने उपस्थित होते.

              संजीवनी युवा प्रतिष्ठानने आयोजित केलेल्या विवाह सोहळ्याची सुरवात शहरातील समता पतसंस्थेजवळील श्री हनुमानाचे दर्शन घेत करण्यात आली. येथून नवरदेवांची मिरवणूक निघाली. तीन सुवर्ण रथात नवरदेव विवाहस्थळी निघाले. तत्पूर्वी नव वधू- वरांना पेहरावाचे वस्त्र भेट म्हणून देण्यात आले. वधूसाठी सौन्दर्य करून देणारे सेवक पाचारण करण्यात आले होते.सवाद्य निघालेले मिरवणुकीत घोडे, डीजेची व्यवस्था करण्यात आली होती. प्रतिष्ठानचे कार्यकर्ते यांनी हिरीरीने सहभाग घेत फटाक्यांची आतिषबाजीने परिसर गजबजून गेला होता.