ज्योती पतसंस्थेस  खोटा चेक दिल्याने कर्जदारास शिक्षा

ज्योती पतसंस्थेस  खोटा चेक दिल्याने कर्जदारास शिक्षा

कोपरगाव विजय कापसे दि ४ जुलै २०२४– कोपरगांव शहरातील ज्योती सहकारी पतसंस्था यांचेकडून कर्जदार अनिल तानाजी खैरे यांनी घेतलेल्या कर्जाचे परत फेडीपोटी पतसंस्थेला दिलेला २० लाख रुपयाचा चेक न वटल्याने पतसंस्थेने त्यांचेवर रितसर कोपरगांव येथील न्यायालयात फौजदारी गुन्हा एस.सी.सी.नं.३०६/ २०१९ दाखल केला होता.

 त्यामध्ये चौकशीअंती आरोपी अनिल तानाजी खैरे यांनी गुन्हा केल्याचे निष्पन्न झाल्याने कोपरगांव येथील न्यायाधिश  भगवान धों. पंडित यांनी आरोपीस ६ महिन्याची साधी कैदेची शिक्षा ठोठावली तसेच फिर्यादी ज्योती सहकारी पतसंस्थेस २५ लाख रुपयाची नुकसान भरपाई देण्याचा आदेश केला तसेच नुकसान भरपाईची रक्कम एक महिन्यात पतसंस्थेस न दिल्यास आरोपीस पुन्हा ६ महिन्याची सक्त मजुरीची शिक्षा सुनावली आहे. याकामी अॅडव्होकेट एस डी. काटकर यांनी कामकाज पाहिले.