ब्राम्हणगाव शाळेतील विद्यार्थ्यांना पावसाळी आजारांविषयी मार्गदर्शन शिबिर संपन्न

कोपरगाव विजय कापसे दि ६ जुलै २०२४- सध्या पावसाळ्याचे दिवस सुरू असून या दिवसात अनेक आजार आपले डोके वर काढत असतात या आजाराच्या पार्श्वभूमीवर गुरुवार ४ जुलै रोजी कोपरगाव तालुका आरोग्य अधिकारी डॉ विकास घोलप , प्राथमिक आरोग्य केंद्र टाकळी व ब्राम्हणगाव चे मेडिकल ऑफिसर डॉ.अनिकेत खोत ,डॉ.असेफा पठाण  यांच्या मार्गदर्शनाखाली कोपरगाव तालुक्यातील ब्राह्मणगाव येथील माध्यमिक विद्यालयातील विद्यार्थ्यांना पावसाळ्यात वाढणारे जलजन्य आजार अतिसार ,कॉलरा ,टायफॉईड तसेच कीटक जन्य आजार मलेरिया ,डेंगू , चिकनगुणिया या आजाराबाबत सविस्तर आरोग्य विषयक माहिती, प्रात्यक्षिक व घ्यावयाची काळजी या संबंधी विद्यार्थ्यांना आयुष्मान आरोग्य मंदिर ब्राम्हणगावचे समुदाय आरोग्य अधिकारी संकेत पोटे व आरोग्य सेवक शामराव गावडे यांनी देत सदर वाढणारे आजारा बाबत ग्रामस्थांना माहिती व्हावी म्हणून गावातून प्रभातफेरी काढून आरोग्यविषयक घोषणा द्वारे सदर आजाराबाबत जनजागृती करण्यात आली.