खोटा चेक दिल्याने कर्जदारास शिक्षा
कोपरगाव विजय कापसे दि १८ ऑगस्ट २०२४– कोपरगांव शहरातील ज्योती सहकारी पतसंस्था यांचेकडून कर्जदार अक्षय राजेंद्र मोर्डेकर यांनी घेतलेल्या कर्जाचे परतफेडीपोटी पतसंस्थेला दिलेला ५ लाख रुपयाचा चेक न वटल्याने पतसंस्थेने त्यांचेवर रितसर कोपरगांव येथील न्यायालयात फौजदारी गुन्हा एस.सी.सी. नं. १७१/२०२१ दाखल केला होता.
त्यामध्ये चौकशीअंती आरोपी अक्षय राजेंद्र मोर्डेकर यांनी गुन्हा केल्याचे निष्पन्न झाल्याने कोपरगांव येथील न्यायाधिश भगवान धों. पंडित यांनी आरोपीस ६ महिन्याची साधी कैदेची शिक्षा ठोठावली तसेच फिर्यादी ज्योती सहकारी पतसंस्थेस ६ लाख ५० हजार रुपयाची नुकसान भरपाई देण्याचा आदेश केला तसेच नुकसान भरपाईची रक्कम एक महिन्यात पतसंस्थेस न दिल्यास आरोपीस पुन्हा ६ महिन्याची सख्त मजुरीची शिक्षा सुनावली आहे. याकामी अॅडव्होकेट एस्.डी. काटकर यांनी कामकाज पाहिले.
