शिर्डी व कोपरगावमधील मतदान केंद्राची निरीक्षकांनी केली पाहणी
शिर्डी व कोपरगावमधील मतदान केंद्राची निरीक्षकांनी केली पाहणी
शिर्डी विजय कापसे दि २९ ऑक्टोबर २०२४– निवडणूक निरीक्षक कविथा रामू (भा.प्र.से) यांनी शिर्डी व कोपरगाव विधानसभा मतदारसंघातील मतदान केंद्राची पाहणी केली.
शिर्डी विधानसभा मतदारसंघातील शिर्डी येथील जिल्हा परिषद प्राथमिक शाळा, राहाता मधील शारदा विद्यालय, राहाता तालुक्यातील अस्तगाव व तरकासवाडी, कोपरगाव तालुक्यातील दहेगाव बोलका, संवत्सर व गोधेगाव या गावातील मतदान केंद्रांना त्यांनी भेट दिली.
मतदान केंद्रांतील आवश्यक सोयी-सुविधांची त्यांनी पाहणी केली. काही मतदान केंद्रावर दिव्यांगांसाठी असलेल्या रॅम्पची दुरूस्ती करण्याबाबत त्यांनी यावेळी सूचना दिल्या. यावेळी सार्वजनिक बांधकाम विभागाचे कार्यकारी अभियंता श्रीनिवास वर्पे, तालुका गटशिक्षणाधिकारी आदी उपस्थित होते
