ज्योती पतसंस्थेच्या समाजपयोगी दिनदर्शिकेचे व क्यूआर कोडचे मान्यवरांच्या शुभहस्ते अनावरण

 ज्योती पतसंस्थेचे संस्थापक अध्यक्ष ॲड.रविकाका बोरावके यांच्या अध्यक्षतेखाली ज्योती पतसंस्थेच्या “२०२५ दिनदर्शिकेचे व आजच्या ऑनलाईन पेमेंटच्या जमान्यातील “क्यूआर कोडचे” अनावरण पोलीस निरीक्षक संदीप कोळी, कोपरगाव सहकार विभागाचे सहाय्यक निबंधक नामदेव ठोंबळ, राजेंद्र राहणे, एलआयसी विभागाचे दिपक काळे तसेच बँकेच्या सर्व संचालक मंडळाच्या शुभहस्ते नुकतेच संपन्न झाले.

याप्रसंगी संस्थेचे संस्थेचे संस्थापक अध्यक्ष ॲड.रविकाका बोरावके यांनी प्रास्ताविक करतांना सांगितले की, संस्थेस ३७ वर्षाची विश्वसनीय परंपरा असून महाराष्ट्रातील एक अग्रगण्य संस्था म्हणून सर्वपरिचित कोपरगाव, शिर्डी, सुरेगाव, कोल्हार, राहुरी, श्रीरामपूर, येवला,अहिल्यानगर व पुणे या शाखे मधून संस्थेत ३४५ कोटीच्या ठेवी असून संस्थेचा आजपर्यंत ५७४ कोटी रुपयांचा व्यवसाय असून संस्थेस नेहमीच ऑडिटमध्ये ‘अ’ वर्ग प्राप्त झालेला आहे. संस्थेच्या सर्व शाखेमध्ये ऑनलाइन व्यवहार सुरळीतपणे सुरू आहे तसेच आरटीजीएस द्वारे पैसे ट्रान्सफर करणे, मोबाईल बँकिंग, डीडी काढणे,अतिशय सुलभ रीत्या सर्वांसाठी कर्ज वितरण करणे त्यासोबतच अत्यंत सोयीस्कर व पारदर्शकपणे सोने तारण यासह अनेक सुविधा उपलब्ध असुन संस्थेने आज एक पाऊल पुढे टाकत ग्राहकांच्या सोयीसाठी क्यूआर कोड सुरू केला आहे तर दरवर्षी प्रमाणे सामाजिक भावनेतून याही वर्षी  समाजपयोगी दिनदर्शिका ग्राहकांच्या सोयीसाठी उपलब्ध केली असल्याचे ॲड. रविकाका बोरवके यांनी सांगितले .