तांत्रिक ग्रामपंचायत अधिकारी संघटनेने उपमुख्यकार्यकारी अधिकाऱ्यांची भेट घेत दिले मागण्याचे निवेदन

0 963 2 minutes read

तांत्रिक ग्रामपंचायत अधिकारी संघटनेने उपमुख्यकार्यकारी अधिकाऱ्यांची भेट घेत दिले मागण्याचे निवेदन

कोपरगाव विजय कापसे दि ७ जानेवारी २०२४– महाराष्ट्र राज्य तांत्रिक ग्रामपंचायत अधिकारी संघटना शाखा -अहिल्यानगर यांच्या वतीने अहिल्यानगर जिल्हा परिषदेच्या ग्रामपंचायत विभागाचे उपमुख्यकार्यकारी अधिकारी दादाभाऊ गुंजाळ यांची भेट घेऊन जिल्ह्यातील ग्रामपंचायत अधिकारी संवर्गाच्या विविध प्रलंबित मागण्याबाबत निवेदन सोमवार दि ६ जानेवारी रोजी देण्यात आले.

दिलेल्या निवेदनात तथा झालेल्या बैठकीत १० ते ३० आश्वासित प्रगती योजनेअंतर्गत दिनांक ३१ डिसेंबर २०२४ पर्यंत प्राप्त प्रस्तावाना ३१ जानेवारी २०२५ पर्यंत आदेश निर्गमित करणेबाबत आश्वासित केले आहे व उर्वरित शिल्लक प्रस्ताव त्वरित मागविणे बाबत चर्चा करण्यात आली, सेवा जेष्ठता यादी महाराष्ट्र नागरी सेवा (ज्येष्ठता विनियम )नियमावली १९८२,३ (अ ) विनिमयानुसार भरती प्रक्रिया गुणवत्तेनुसार सुधारित करून अद्यावत करणेबाबत, दिनांक १ नोव्हेंबर २००५ जाहिरात, अधिसूचना व निवड प्रक्रिया पूर्ण केलेल्या व तदनंतर रुजू झालेल्या संवर्ग बांधवांना ग्राम विकास विभागाकडील शासन निर्णय व इतर जिल्हा परिषदेने निर्गमित केलेल्या आदेशाप्रमाणे लाभ देणे बाबत, जिल्हा परिषद स्तरावर तालुका निहाय गोपनीय अहवाल संचिका ठेवणे बाबत व दुय्यम सेवा पुस्तक ठेवणे बाबत, ग्रामपंचायत अधिकारी संवर्गातून विस्तार अधिकारी रिक्तपदी पदोन्नती होणे बाबत, दिनांक २४ सप्टेंबर २०२४ शासन आदेशानुसार ग्रामसेवक /ग्रामविकास अधिकारी पदे मृत झाल्यामुळे वेतन श्रेणी साखळी नुसार वेतन निश्चिती करणे बाबत आदेश निर्गमित करणे बाबत, दिवसापेक्षा जास्त निलंबन कालावधी पार केलेल्या निलंबित ग्रामसेवकांना त्वरित पदस्थापना देणे बाबत निलंबन कालावधीतील खंडित कालावधी नियमित करून वेतन आला करणेबाबत,

संगणक परिचालक मानधन व ऑनलाइन कामकाजामधील अडीअडचणी सोडविणे बाबत, ग्रामपंचायत अधिकारी संवर्गास ५ दिवसाचा आठवडा लागू करण्यात आलेला आहे तरी सुट्टीच्या दिवशी कामकाजाची सक्ती न करणे बाबत,अकोले तालुक्यातील नुकत्याच बदली झालेल्या आदिवासी क्षेत्रातून बिगर आदिवासी क्षेत्रात समायोजना अंतर्गत बदली झालेल्या ग्रामपंचायत अधिकाऱ्यांची तालुक्यातील सेवा जेष्ठता यादी शून्य करावी, आदर्श ग्रामपंचायत अधिकारी प्रस्ताव सन २२-२३ व २३-२४ प्रस्ताव जिल्हा परिषद स्तरावर मागविणे बाबत सदर प्रस्ताव मागविणे पूर्वी माननीय मुख्य कार्यकारी अधिकारी यांच्या मान्यतेने सुधारित गुणांकन प्रश्नावली तयार करणे, दिनांक २४ सप्टेंबर २०२१ च्या शासन परिपत्रकानुसार ग्रामपंचायत अधिकारी यांच्या तक्रारी तक्रारीबाबत राजकीय उद्देशाने होणाऱ्या तसेच वैयक्तिक द्वेष भावनेतून होणाऱ्या तक्रारीचा पुरावा असल्याशिवाय दखल न घेणेबाबत, १५ वा वित्त आयोग निधी व्याज रकमेतून नवीन लॅपटॉप खरेदी करण्याकरिता परवानगी देणे व ये ग्रामपंचायत तंत्रज्ञान विकसित करणे बाबत, बचत गट, एकल महिला, विधवा, परित्याकता व घटस्फोटीत महिलांना पाणीपुरवठा योजना चालविण्यास देणे ,नरेगा योजनेअंतर्गत बिहार पॅटर्नची कामे देणे व घरपट्टी पाणीपट्टी वसुली इत्यादी कामे सोपीविणे बाबत, पंचसूत्री कार्यक्रम अंमलबजावणी बाबत विषयनिहाय निवेदनावर सविस्तर चर्चा करण्यात आली.

या प्रसंगी उपमुख्य कार्यकारी अधिकारी गुंजाळ यांनी संघटना प्रतिनिधी सोबत सविस्तर चर्चा करून संबंधितांना सत्वर कार्यवाही करणे बाबत सूचना दिल्या या चर्चेवेळी संघटनेचे राज्यसचिव हरिश्चंद्र काळे , संघटनेचे जिल्हाध्यक्ष सुनील राजपूत, जिल्हासचिव शशिकांत नरोडे, विभागीय कार्याध्यक्ष सुरेश सौदागर, तालुका अध्यक्ष बळीराम शेटवाड, तालुका सचिव शरदभाऊ गायकवाड प्रवीण पवार आदी संघटनेचे पदाधिकारी उपस्थित होते.