१४ व्या राष्ट्रीय सबज्युनीअर चॉकबॉल स्पर्धेचे मुलांच्या संघांचे विजेतेपद महाराष्ट्राकडे तर दिल्लीच्या मुलींच्या संघाची विजेतेपदाला गवसणी
कोपरगाव विजय कापसे दि २३ मार्च २०२५–शिर्डी येथे १४ वी राष्ट्रीय चॉकबॉल स्पर्धा संपन्न झाली आहे. यावेळी सैनिक विश्रामगृहाचे सैनिक हवालदार कुलदीप सिंग, राजेशकुमार पाल, संजीवनी शैक्षणिक, कृषी आणि ग्रामीण विकास विश्वस्त संस्थेच्या मॅनेजिंग ट्रस्टी रेणुका विवेक कोल्हे, वाल्मीक शिंदे, राजेश सिंग,स्पर्धा निरीक्षक अनिल मोट,प्रतिनिधी राकेश कुमार,मुख्य परीक्षक यदुराज शर्मा,टेक्निकल कमिटी चेअरमन हिमांशु दस्तीदार, व्हा. प्रेसिडेंट आय. टी. बी. एफ सुरेश गांधी, ऍड. संदीप गोंदकर, प्रदीप साखरे,जिल्हा सेक्रेटरी सुनीता कोऱ्हाळकर, मकरंद कोऱ्हाळकर, यांच्या उपस्थितीत पार पडले.महाराष्ट्राच्या चॉकबॉल असोसिएशनच्या अध्यक्ष म्हणून रेणुका कोल्हे यांची घोषणा आज आय. टी. बी एफ कडून करण्यात आली यावेळी त्यांचे सर्वांनी अभिनंदन करून शुभेच्छा दिल्या.
मुले आणि मुली असे स्वतंत्र संघ या स्पर्धेत सहभागी झालेले होते.या स्पर्धेमध्ये महाराष्ट्र मुलांच्या संघाने प्रथम क्रमांक तर दिल्लीच्या मुलींच्या संघाने प्रथम क्रमांक पटकावत या राष्ट्रीय स्पर्धेचे विजेतेपद खेचून आणले आहे.मुले द्वितीय दिल्ली, तृतीय पंजाब व वेस्ट बंगाल,मुली द्वितीय बिहार,तृतीय आसाम आणि वेस्ट बंगाल हे उपविजेत्या संघ ठरले.सर्वांना ट्रॉफी, मेडल, प्रशस्तीपत्रक देऊन सत्कार करण्यात आला.अतिशय रोमांचक पद्धतीने सामने पार पडले.चोख नियोजन आणि उत्तम व्यवस्था यामुळे सर्व खेळाडूं आनंदी दिसून आले
महाराष्ट्र,आसाम,आंध्र प्रदेश, बिहार, दिल्ली, गोवा, गुजरात, झारखंड, मध्य प्रदेश, पंजाब,राजस्थान, तेलंगणा,उत्तर प्रदेश,वेस्ट बंगाल आदींसह विविध राज्यातून संघ दखल झाले होते.आयोजक संजीवनी ग्रुपच्या माध्यमातून खेळाडूंची निवास, भोजन, प्रवास व्यवस्था करण्यात आली आहे.उष्णतेचा विचार करता खेळाडूंच्या आरोग्याची काळजी घेत वैद्यकीय कक्ष व डॉक्टर उपलब्ध ठेवण्यात आले होते.
