संदीप ढाकणे यांना मंत्रालयात उपसचिव म्हणून पदोन्नती
कोपरगाव विजय कापसे दि ५ जुलै २०२५– महाराष्ट्र शासन मंत्रालयात गृह विभागात आवर सचिव म्हणून कार्यरत असलेले कोपरगाव येथील बेट भागातील रहिवाशी संदीप आसराबाई गोरखनाथ ढाकणे यांची ४ जुलै २०२५ रोजी सामान्य प्रशासन विभागाचे कक्ष अधिकारी प्रशांत शेलार यांच्या आदेशान्वये वैद्यकीय शिक्षण व औषधी द्रव्य विभागाच्या उपसचिव पदावर पदोन्नती झाल्याने कोपरगावच्या शिरपेचात मानाचा तुरा रोवला गेला आहे.
कोपरगाव शहरातील परम सद्गुरु शुक्राचार्य महाराज व जगद्गुरु जनार्दन स्वामी महाराजांच्या पावन भूमीत जन्मलेले संदीप ढाकणे यांचे इयत्ता पहिली ते पाचवी पर्यंतचे शिक्षण कोपरगाव नगरपालिकेच्या शाळा नंबर १, सहावी ते दहावी पर्यंतचे शिक्षण केबीपी विद्यालयात, महाविद्यालयीन शिक्षण एसएसजीएम महाविद्यालयात, बीएससी ऍग्रीचे शिक्षण धुळे येथील शासकीय महाविद्यालयात तर एम एस सी ऍग्रीचे शिक्षण राहुरी येथील कृषी विद्यापीठात पूर्ण करत मोठा शासकीय अधिकारी होण्याचे स्वप्न उराशी बाळगत एमपीएससी च्या अभ्यासाला सुरवात करत २००५ ते २०१० या कार्यकाळात त्यांनी सहाय्यक कृषी अधिकारी म्हणून नोकरी केली तर २०१० मध्ये एमपीएससी परीक्षा उत्तीर्ण झाल्यानंतर ते मंत्रालयात कृषी विभागात कक्ष अधिकारी म्हणून रुजू झाले. त्यानंतर सन २०१८ पासून ते गृह विभागाचे अवर सचिव म्हणून कार्यभार पाहत होते.
ढाकणे यांची घरची परिस्थिती अत्यंत हलाखीची असताना आई-वडील भाऊ सह संपूर्ण ढाकणे परिवाराने केलेल्या काबाड कष्टाची चीझ झाले असून कोपरगाव तालुक्यातून या पदावर जाणारे संदीप ढाकणे हे प्रथम अधिकारी असून त्यांच्या पदोन्नती बद्दल संपूर्ण कोपरगाव तालुक्यातून त्यांच्यावर अभिनंदनाचा वर्षाव होत आहे.
