डॉ. साहिल माळींच्या पुढाकाराने कोपरगावात, आय. सी. यु. नंतरची रुग्णसेवा सुरू

Kopargaon vijay kapse दि २५ मार्च २०२६-कोपरगाव शहरातील सुप्रसिद्ध सर्जन डॉक्टर राजेश माळी यांच्या साई पॉलीक्लिनिकमध्ये डॉ. माळी यांचे सुपुत्र डॉ. साहिल माळी यांनी अमेरिकेत शिक्षण घेऊन कोपरगावकरांसाठी अतिदक्षता नंतरची अत्याधुनिक रुग्णसेवा उपलब्ध करून दिली आहे. डॉ. माळी हॉस्पिटलचे “पॅलिएटिव्ह केयर अँड पेनयुनिट” हा कोपरगावच्या वैद्यकीय क्षेत्रातील प्रगतीचा महत्त्वाचा टप्पा असल्याचे मत सुप्रसिद्ध हृदयरोगतज्ञ डॉ. डी. एस. मुळे यांनी व्यक्त केले. अतिदक्षता विभागात दाखल केलेल्या रुग्णांना विशेष काळजी आणि वेदनाशामक उपचारांची आवश्यकता असते. ही गरज ओळखून डॉ. माळी हॉस्पिटलमध्ये अत्याधुनिक उपकरणे व सुविधा उपलब्ध करून देण्यात आली आहे. त्यामुळे रुग्णांना आता पुढील उपचारांसाठी पुणे, मुंबई सारख्या मोठ्या शहरांमध्ये जाण्याची आवश्यकता राहणार नाही.