योगेश बागुल यांचा सुवर्ण समाज रत्न पुरस्काराने गौरव
योगेश बागुल यांचा सुवर्ण समाज रत्न पुरस्काराने गौरव
कोपरगाव विजय कापसे दि १२ ऑगस्ट २०२५- मराठवाडा अहिर सुवर्णकार शिक्षण प्रसारक मंडळ छत्रपती संभाजीनगर यांच्या वतीने सुवर्ण सभागृह कम्युनिटी सेंटर प्लॉट सिडको संभाजीनगर येथे झालेल्या दिमाखदार सोहळ्यात महाराष्ट्र राज्याचे गृहनिर्माण मंत्री अतुल सावे यांच्या शुभहस्ते कोपरगाव येथील योगेश तुळशीदास बागुल यांना राज्यस्तरीय सुवर्ण समाजरत्न पुरस्कार देऊन गौरवण्यात आले आहे.
योगेश तुळशीदास बागुल हे कोपरगाव नगरपालिकेचे माजी उपनगराध्यक्ष तर मुंबादेवी दत्तपार जिमखाना छत्रपती चौक शिवसेना शाखा कोपरगावचे संस्थापक असून त्यांनी आजपर्यंत अनेक सामाजिक व धार्मिक कार्य केले आहे तर त्यांच्या नगरसेवक व उपनगराध्यक्ष पदाच्या कार्यकाळात आपल्या वार्डात तसेच संपूर्ण कोपरगाव शहरात केलेली कामे वाखाण्याजोगी असून त्यांनी कोरोना महामारी मध्ये अनेक गरजू कुटुंबांना मास्क सॅनिटायझर आवश्यक त्या किराणा किटचे वाटप केले आहे.
