अमृतवाहिनीचा इंडियन इन्स्टिट्यूट ऑफ मॅनेजमेंट, नागपूर सोबत करार – शरयू देशमुख
संगमनेर प्रतिनिधी दि १९ नोव्हेंबर २०२५- अमृतवाहिनी शेती व शिक्षण विकास संस्थेच्या अमृतवाहिनी एमबीए महाविद्यालयाने नागपूर येथील इंडियन इन्स्टिट्यूट ऑफ मॅनेजमेंट (आय. आय. एम.) या व्यवस्थापन शास्त्राच्या संस्थेसोबत सामंजस्य करार केला. या संस्थेचा कॅनडा येथील आयव्हीइवाय या व्यवस्थापन संस्थेसोबत करार आहे. या करारामुळे अमृतवाहिनी संस्थेच्या एमबीएच्या शिक्षणाला जागतिक जोड मिळाली आहे. तसेच बिजनेस च्या संदर्भातील केस स्टडी येथील विद्यार्थ्यांना चांगल्या प्रकारे अवगत होतील.
आय.आय.एम. नागपूर यांनी आयव्हीईवाय पब्लिशिंग कॅनडा या संस्थेच्या संयुक्त विद्यमानाने नुकतेच केस रिसर्च सेंटरचे उद्घाटन नागपूर येथे सोमवार दिनांक 17 नोव्हेंबर 2025 रोजी झाले. यामध्ये भारतीय उद्योग जगतावर आधारित केस स्टडी असतील. त्यात या करारावर स्वाक्षऱ्या करण्यात आल्या अमृतवाहिनी संस्थेतर्फे एमबीए महाविद्यालयाचे संचालक डॉ. बी. एम. लोंढे तर आयआयएम कडून संचालक डॉ. भीमराव मैत्री, केश रिसर्च सेंटरचे डॉ. राकेश गुप्ता उत्पादन आणि प्रसारण संचालिका व्हायोलेट गलाधर आदी उपस्थित होते.
या आयआयएम नागपूर व आयव्हीईवाय पब्लिशिंग कॅनडा यांच्याशी अमृतवाहिनीचा हा सामंजस्य करार ग्रामीण भागातील विद्यार्थ्यांसाठी एक उपयुक्त भारतीय उद्योग जगतातील माहितीचा स्रोत ठरणार आहे असे गौरव उदगार अमृतवाहिनी शेती व शिक्षण विकास संस्थेचे मुख्य कार्यकारी अधिकारी अनिल शिंदे यांनी काढले.
या आगतिक स्तरावरील कराराबद्दल अमृतवाहिनी शेती व शिक्षण संस्थेचे अध्यक्ष माजी आमदार बाळासाहेब थोरात, माजी आमदार डॉ. सुधीर तांबे, ट्रस्टी तसेच एकवीरा फाउंडेशनच्या अध्यक्षा सौ. जयश्री थोरात. सहकारमहर्षी भाऊसाहेब थोरात साखर कारखान्याचे संचालक इंद्रजीत भाऊ थोरात. संस्थेचे मुख्य कार्यकारी अनिल शिंदे, संस्थेचे मॅनेजर व्ही. बी. धुमाळ संस्थेचे अकेडेमिक डायरेक्टर डॉ. जे. बी. गुरव या सर्वांनी अभिनंदन केले.
