भाजपा मित्रपक्षांच्या विजयाची गती वाढली; कोपरगाव तालुका चालक-मालक संघटनेचा उमेदवारांना जाहीर पाठिंबा
भाजपा मित्रपक्षांच्या विजयाची गती वाढली; कोपरगाव तालुका चालक-मालक संघटनेचा उमेदवारांना जाहीर पाठिंबा
कोपरगाव विजय कापसे दि १५ डिसेंबर २०२५–कोपरगाव नगरपरिषद निवडणूक अंतिम टप्प्याकडे वेगाने जात असताना भारतीय जनता पार्टी व मित्रपक्षांच्या विजयाची गती अधिकच वाढताना दिसत आहे. या पार्श्वभूमीवर कोपरगाव तालुका चालक-मालक संघटनेने भाजपा मित्रपक्षांच्या उमेदवारांना जाहीर पाठिंबा देत आपली ताकद एकवटली आहे. संघटनेच्या पदाधिकारी व कार्यकर्त्यांनी युवानेते विवेकभैय्या कोल्हे यांच्या उपस्थितीत अधिकृतरित्या भाजपा व मित्रपक्षांना समर्थन जाहीर केले.
यावेळी बोलताना चालक-मालक संघटनेच्या प्रतिनिधींनी सांगितले की, पराग संधान हे सर्वसामान्यांमधून पुढे आलेले उमेदवार असून ते चालक बांधवांना चांगले परिचित आहेत. शहरातील प्रत्येक प्रभागात अनेक चालक बांधव भारतीय जनता पार्टीच्या विजयासाठी उत्सुक असून हा विजय ऐतिहासिक व्हावा, या उद्देशाने आम्ही आज हा पाठिंबा जाहीर करत आहोत. कोपरगावच्या विकासासाठी आणि स्थिर, सक्षम नेतृत्वासाठी भाजपा व मित्रपक्षांचा विजय आवश्यक असल्याची भावना त्यांनी व्यक्त केली.
