अमृतवाहिनी बँकेला ग्रीन वर्ल्ड को प्राईड 2025 पुरस्कार प्रदान; उत्कृष्ट कामकाजाबद्दल गौरव

सहकामहर्षी भाऊसाहेब थोरात यांच्या आदर्श शिस्तीवर बँकेची वाटचाल सुरू असून लोकनेते बाळासाहेब थोरात यांच्या नेतृत्वाखाली बँकेने नुकताच 1100 कोटींच्या व्यवसायाचा टप्पा पार केला आहे. अकरा शाखा आणि एक विस्तार कक्षाच्या माध्यमातून व्यवसायात मोठी झेप घेतली असून बँकेचा नफा दिवसेंदिवस वाढत आहे बँकेच्या ठेवी 683 कोटी असून 465 कोटी रुपयांचे कर्जवाटप झाले आहे.

यावेळी सहकार मंत्री बाबासाहेब पाटील म्हणाले की, लोकनेते बाळासाहेब थोरात यांच्या नेतृत्वाखाली संगमनेरचा सहकार हा राज्यासाठी दिशादर्शक ठरला आहे. बँकिंग व्यवसाय अवघड असतानाही अमृतवाहिनी बँकेने सर्वसामान्यांच्या जीवनात आनंद निर्माण करत चांगला व्यवसाय केला आहे गुणवत्ता पूर्ण कामकाज हे या बँकेचे वैशिष्ट्य असल्याचे ते म्हणाले.

तर सुधाकर जोशी म्हणाले की, बँकेने ऑनलाईन प्रणाली सह फोन पे, डेबिट कार्ड, क्यू आर कोड, एटीएम यांसह अत्याधुनिक सुविधा दिल्या आहेत सातत्यपूर्ण गुणवत्ता पूर्ण कामाचा हा लौकिक असून हे सांघिक यश असल्याचे ते म्हणाले.

बँकेच्या या यशाबद्दल लोकनेते बाळासाहेब थोरात, माजी आमदार डॉ.सुधीर तांबे,आमदार सत्यजित तांबे, ॲड.माधवराव कानवडे, पांडुरंग पाटील घुले,रणजितसिंह देशमुख, सौ.दुर्गाताई तांबे, डॉ जयश्रीताई थोरात, नूतन नगराध्यक्ष डॉ.मैथिली ताई तांबे, शंकरराव खेमनर, संपतराव डोंगरे, इंद्रजीत भाऊ थोरात,हौशीराम सोनवणे,रामहरी कातोरे,राजेंद्र गुंजाळ, राजेंद्र कडलग, अजय फटांगरे,सोमेश्वर दिवटे, यांच्यासह विविध मान्यवरांनी अभिनंदन केले आहे.