डॉ.जयश्रीताई थोरात यांनी हॉस्पिटलमध्ये जाऊन बिबट्याच्या हल्ल्यात जखमी झालेल्या महिलेला दिली भेट
संगमनेर विजय कापसे दि ३ नोव्हेंबर २०२५– संगमनेर तालुक्यातील हिवरगाव पावसा टेमगिरे वस्ती येथील सौ.अर्चना संदीप टेमगिरे यांच्यावर बिबट्याने हल्ला केला. या बिबट्याच्या हल्ल्यात त्या गंभीर जखमी झाल्या असून कॅन्सरतज्ञ डॉ.जयश्रीताई थोरात यांनी हॉस्पिटलमध्ये जाऊन त्यांची आस्थेवाईकपणे चौकशी करून त्यांना धीर दिला.
ही माहिती कळताच संगमनेर तालुका काँग्रेसच्या अध्यक्ष तथा कॅन्सरतज्ञ डॉ.जयश्रीताई थोरात यांनी कुटे हॉस्पिटलमध्ये जाऊन सौ.अर्चना टेमगिरे यांची आस्तेवाईकपणे चौकशी केली. याचबरोबर बिबट्यांचा संचार मानवी वस्तीत वाढला आहे. याबाबत वेळोवेळी आपण तक्रारी केल्या आहेत. वन विभागाने तातडीने बिबट्यांचा बंदोबस्त करावा अशी मागणी त्यांनी केली. यावेळी डॉ. प्रदीप कुटे, हिवरगाव पावसा येथील कार्यकर्ते व युवक उपस्थित होते.
डॉ.जयश्रीताई थोरात यांनी कायम गोरगरीब माणसांच्या कल्याणासाठी काम केले आहे. राजकारणाविरहित त्या कायम जनतेच्या संपर्कात असून माझ्यावर अचानक हल्ला झाला मला कळाले सुद्धा नाही. माझ्या कुटुंबासाठी व माझ्या मुला बाळांसाठी हे मोठे संकट होते. सर्वांच्या कृपाशीर्वादाने मला जीवदान मिळाले असून डॉक्टर जयश्री ताई थोरात यांच्या भेटीने बळ मिळाले असल्याचे सौ.अर्चना टेमगिरे यांनी म्हटले आहे.
