दिपाली पांचारीया यांची नगरपालिकेच्या गटनेतेपदी निवड तर उपनगराध्यक्षपदाची निवड १३ जानेवारी रोजी होणार

संगमनेर मधील सर्व नागरिकांनी राजकारण विरहित एकत्र येऊन संगमनेर सेवा समिती स्थापन केली आणि या सेवा समितीने संगमनेर 2.0 ही संकल्पना राबवत घवघवीत यश मिळवले. निवडणुकीनंतर सर्वांना सोबत घेत लोकनेते बाळासाहेब थोरात व माजी आमदार डॉ सुधीर तांबे यांच्या नेतृत्वाखाली आणि आमदार सत्यजित तांबे यांच्या मार्गदर्शनाखाली स्वच्छता अभियानातून प्रारंभ केला याचबरोबर क्रांतीज्योती सावित्रीबाई फुले यांच्या जन्मदिनाच्या निमित्ताने पदग्रहण समारंभ संपन्न झाला यावेळी शहरातील नागरिकांनी मोठा आनंद उत्सव साजरा केला.

गटनेतेपदी  दिपालीताई पांचारीया यांच्या निवडीबद्दल मा. महसूल मंत्री बाळासाहेब थोरात, माजी आमदार डॉ. सुधीर तांबे ,आमदार सत्यजित तांबे, सौ दुर्गाताई तांबे, डॉ जयश्रीताई थोरात, नगराध्यक्ष डॉ मैथिलीताई तांबे, शहराध्यक्ष सोमेश्वर दिवटे, ॲड सुहास आहेर, यांच्यासह विविध पदाधिकाऱ्यांनी अभिनंदन केले आहे.