जनहिताला पहिल्याच दिवशी काळे गटाकडून मिठाचा खडा : विद्याताई सोनवणे

कोपरगाव विजय कापसे दि ३ फेब्रुवारी २०२६–कोपरगाव शहर हिताच्या विविध तरतुदी कोपरगाव नगरपरिषद अर्थसंकल्प 2026 – 27 मध्ये करण्यात आल्या. या अर्थसंकल्पात गरीब विद्यार्थ्यांसाठी उज्वल भविष्याच्या दृष्टिकोनातून भरीव तरतूद करण्यात आली. महिलांच्या स्वच्छतागृहाचा प्रश्न ऐरणीवर असताना तो सोडवण्यासाठी दूरगामी निर्णय घेण्यात आला. कोपरगाव शहरातील उद्यानांची भयान अवस्था बदलवण्यासाठी सुशोभीकरणाच्या दृष्टिकोनातून अधिकची तरतूद करून ठेवण्यात आली. यासह शहराला आपत्ती व्यवस्थापनाच्या दृष्टीने सज्ज ठेवण्यासाठी आपत्ती व्यवस्थापनाचा राखीव निधीची तरतूद करून ठेवण्यात आली कदाचित या सर्व बाबी शहर हिताच्या नाही असा विरोधकांना वाटते म्हणूनच त्यांनी पहिल्याच स्थायी समितीच्या बैठकीत आपल्या अल्प बुद्धीच्या मिठाचा खडा या अर्थसंकल्पावरती टीका करून टाकला आहे अशी जळजळीत टीका स्थायी समिती सदस्या विद्याताई सोनवणे यांनी विरोधकांवर केली आहे.