जुन्नरमध्ये घडलेली घटना अतिशय संतापजनक: दोषींना फाशीची शिक्षा व्हावी- बाळासाहेब थोरात

याविषयी पुढे बोलताना ते म्हणाले की, माणुसकीला काळिमा फासणारी जुन्नर येथील घटना आहे. या अमानुष कृत्याचा तीव्र निषेध करतो. या घटनेची सखोल, निष्पक्ष आणि जलद चौकशी करून दोषी नराधमावर कठोरात कठोर कारवाई झाली पाहिजे. या प्रकरणाची फास्टट्रॅक कोर्टात सुनावणी करून चिमुकलीला लवकरात लवकर न्याय मिळाला पाहिजे.

अशा अमानुष घटनांना आळा घालण्यासाठी कठोर कायदे आणि त्यांची प्रभावी व तत्पर अंमलबजावणी ही काळाची गरज आहे. समाजातील प्रत्येक मुलगी आणि महिला सुरक्षित राहील, यासाठी शासन आणि प्रशासनाने ठोस पावले उचलली पाहिजेत असेही ते यावेळी म्हणाले.

जुन्नर तालुक्यातील पिंपळवंडी गावात एका 10 वर्षांच्या चिमुकलीवर एका नराधमाने अत्याचार करून तिची हत्या केल्याची घटना मन सुन्न करणारी आहे. आपल्या समाजात इतक्या राक्षसी प्रवृत्तीचे नराधम वावरत आहेत, आपल्या मुलींवर सातत्याने अत्याचारांची टांगती तलवार आहे. ही बाब मला केवळ लोकप्रतिनिधी म्हणून नव्हे, तर एक माणूस म्हणून धक्का देणारी आहे.

पिंपळवंडीतील त्या नराधमाच्या अत्याचारांना बळी पडलेल्या चिमुकलीने किती यातना भोगल्या असतील, तिचे आई-वडील आता कोणत्या परिस्थितीतून जात असतील याची कल्पनाही करवत नाही. अशा अमानुष प्रकारांना आळा घालण्यासाठी दोषी नराधमास कठोर शिक्षा व्हावी, अशी  शासनाकडे आग्रहाची मागणी आहे. असे आ. सत्यजित तांबे यांनी म्हटले आहे