रस्ते, पूल आणि सभामंडपासाठी २.१० कोटींचा निधी मंजूर- आ. आशुतोष काळे

Kopargaon vijay kapse दि ५ ऑक्टोबर २०२६– कोपरगाव मतदारसंघाच्या ग्रामीण भागातील रस्ते, पूल आणि नागरी सुविधांचा विकास करण्यासाठी आमदार आशुतोष काळे यांनी महायुती शासनाकडे सातत्याने पाठपुरावा करून भरीव निधी मंजूर करून आणला असून यातून अनेक विकासकामे पूर्ण झाले आहे. मतदारसंघातील सर्वसामान्य नागरिकांना सुविधा उपलब्ध करून देण्यासाठी २ कोटी १० लाखांचा निधी आ.आशुतोष काळे यांच्या स्थानिक विकास निधीतून मंजूर करण्यात आला आहे. या निधीमुळे ग्रामीण भागातील रस्ते व पायाभूत सुविधांचे प्रश्न सुटण्यास मोठी मदत होणार आहे.

या निधीमुळे ग्रामीण भागातील अनेक वर्षांपासून प्रलंबित असलेले रस्त्यांचे प्रश्न मार्गी लागणार असून, नागरिकांचा दैनंदिन प्रवास अधिक सुलभ होणार आहे. विशेषतः वाड्या-वस्त्यांना मुख्य रस्त्यांशी जोडणाऱ्या मार्गांचा विकास होणार असल्याने शेतकरी, विद्यार्थी, महिला तसेच सर्वसामान्य नागरिकांना मोठा दिलासा मिळणार आहे.आ. आशुतोष काळे यांनी मतदारसंघातील प्रत्येक गावाच्या गरजा लक्षात घेऊन विकासकामांसाठी शासनाकडे सातत्याने पाठपुरावा केला. त्यातून काकडी, कासली, चितळी, जेऊर पाटोदा, टाकळी, डाऊच खु., तिळवणी, धामोरी, धारणगाव, मळेगाव थडी, संवत्सर, सडे, ब्राम्हणगाव, वाकडी आणि माहेगाव देशमुख या गावांतील विविध विकास कामांना निधी मंजूर करण्यात आला आहे.

महायुती शासनाकडे केलेल्या पाठपुराव्यातून कोपरगाव मतदारसंघाचा सर्वांगीण विकास होत असून नागरिकांना मुलभूत सुविधा उपलब्ध होत आहे. नागरिकांची होणारी गैरसोय टाळण्यासाठी मतदारसंघातील काकडी येथे चर्च व लक्ष्मीआई मंदिरासमोर सभामंडप बांधणे, कासली येथे कासली दहेगाव रस्ते ते बागुल वस्ती रस्ता करणे, चितळी येथे इकबाल इनामदार घर ते अरुण मुंडे घर रस्ता, जेऊर पाटोदा येथे प्रजीमा-८ ते चैतन्यनगर रस्ता व जैस्वाल वस्ती अंतर्गत बंदिस्त गटार करणे, टाकळी येथे किरण पाईक घर ते बापूसाहेब बोरावके घर रस्ता, डाऊच बु. येथे बिरोबा मंदिरासमोर सभामंडप उभारणे, तिळवणी येथे अशोक काशिनाथ शिंदे घर ते रमेश सूर्यभान शिंदे घर रस्ता व संतोष ज्ञानदेव शिंदे घर ते पगारे वस्ती पाण्याच्या टाकीपर्यंतचा रस्ता, धामोरी येथे नवनाथनगर आनंदवली ते भास्कर कुऱ्हाडे घर रस्ता, धारणगाव येथे अनिल डांगे घर ते मंडपी नाला रस्ता व शिवाजी चौधरी शेत ते अनिल डांगे घर रस्ता, मळेगाव थडी येथे एमडीआर ४ ते संदीप उत्तम शिंदे वस्ती रस्ता, संवत्सर येथे पुंडलिक कर्पे घर ते नानासाहेब जाधव वस्ती व शिवाजी फटांगरे वस्ती ते विजय भोसले वस्ती रस्ता, सडे येथे चांगदेव बारहाते वस्ती ते चानखन बाबा मंदिर रस्ता, ब्राम्हणगाव येथे पैठणकर घर ते पांडुरंग सोनवणे घर रस्ता व अशोक आसने घर ते पैठणकर घर रस्ता, वाकडी येथे वाकडी-संभाजीनगर रस्त्यावर स्वामी विवेकानंद शाळेजवळ पूल बांधणे, माहेगाव देशमुख येथे राज्य मार्ग ७ ते माहेगाव देशमुख रस्ता या विकास कामांसाठी प्रत्येकी १० लाखप्रमाणे एकूण २.१० कोटी निधी मंजूर झाला आहे.

ग्रामीण भागातील शेवटच्या घटकापर्यंत पायाभूत सुविधा पोहोचवण्यासाठी निधी उपलब्ध करून दिल्याबद्दल आ.आशुतोष काळे यांनी मुख्यमंत्री ना.देवेंद्रजी फडणवीस,उपमुख्यमंत्री ना. सुनेत्रा पवार, उपमुख्यमंत्री ना. एकनाथ शिंदे तसेच जलसंपदा व पालकमंत्री ना. राधाकृष्ण विखे पाटील यांचे आभार मानले असून मतदार संघातील उर्वरित प्रश्न मार्गी लावण्यासाठी पाठपुरावा सुरू असल्याचे आ.आशुतोष काळे यांनी सांगितले आहे. या विकासामांमुळे नागरिकांमध्ये समाधानाचे वातावरण पसरले असून काकडी, कासली, चितळी, जेऊर पाटोदा, टाकळी, डाऊच खु., तिळवणी, धामोरी, धारणगाव, मळेगाव थडी, संवत्सर, सडे, ब्राम्हणगाव, वाकडी आणि माहेगाव देशमुख या गावांतील ग्रामस्थांनी आ.आशुतोष काळे यांचे आभार मानलेआहे.