आपला जिल्हा

विकासकामे रखडविणाऱ्यांनी टीका करण्यापेक्षा आत्मपरीक्षण करावे, राहुल खरात यांचा काळे गटावर निशाणा

विकासकामे रखडविणाऱ्यांनी टीका करण्यापेक्षा आत्मपरीक्षण करावे, राहुल खरात यांचा काळे गटावर निशाणा
नागरिकांना वेठीस धरणाऱ्यांना आता सुरू झालेली विकासकामे पाहवत नाहीत, नगरपरिषदेचा कारभार जनतेच्या पसंतीस उतरत असल्याने विरोधकांच्या पोटात गोळा
जाहिरात

Kopargaon vijay kapse दि २० नोव्हेंबर २०२६-शहरातील प्रलंबित विकासकामांना गती देत नागरिकांना मूलभूत सुविधा उपलब्ध करून देण्याचे काम नगराध्यक्ष पराग संधान यांच्या नेतृत्वाखाली नगरपरिषदेकडून सुरू आहे. मात्र, प्रत्यक्ष कामे सुरू झाल्याने ज्यांच्या कार्यकाळात नागरिकांना मागील काळात निधी असताना फक्त आ.काळे यांच्या छुप्या फायद्यासाठी दोन-तीन वर्षे रस्त्यांच्या दुरवस्थेचा त्रास सहन करावा लागला, अशा काळे गटाच्या मंडळींकडून आता विकासकामांवर टीका केली जात आहे. त्यांनी दुसऱ्यांवर बोट दाखविण्यापेक्षा स्वतःच्या कार्यकाळातील कामांचा हिशेब जनतेसमोर मांडावा, असा घणाघात कोल्हे गटाचे राहुल खरात यांनी केला आहे.

जाहिरात
कोपरगाव नगरपरिषदेच्या नागरी दलितेतर वस्ती सुधारणा योजनेंतर्गत प्रभाग क्रमांक १ मध्ये आर. जे. भागवत घर ते ज्ञानेश्वर घर ते पत्रकार मुबीन खान घर, खडकी रोड या रस्त्याच्या काँक्रिटीकरण कामासाठी २६ लाख ६२ हजार ५०० रुपयांची तरतूद करण्यात आली असून, शुक्रवार, दि. २० नोव्हेंबर रोजी नगराध्यक्ष पराग संधान यांच्या हस्ते या कामाचे भूमिपूजन करण्यात आले. नागरिकांची अनेक दिवसांची मागणी पूर्णत्वास जात असताना या कामाचे स्वागत करण्याऐवजी राजकीय आकसातून टीका करणे हे विरोधकांचे वैफल्य दर्शविणारे आहे.

जाहिरात
आमदार आशुतोष काळे आणि त्यांच्या स्थानिक समर्थकांना नगरपरिषदेच्या माध्यमातून नागरिकांना सुविधा उपलब्ध करून देण्यात अपयश आले. निधी उपलब्ध असतानाही विकासकामे वेळेत न केल्याने नागरिकांना नाहक त्रास सहन करावा लागला. आता तीच कामे मार्गी लागत असल्याने आपले राजकीय अस्तित्व धोक्यात येईल, अशी भीती त्यांच्या समर्थकांना वाटू लागली आहे.
विशेष म्हणजे, शहरातील अतिक्रमित घरांचा प्रश्न नियमाकुल करण्याचा दिलेला शब्द आमदार विवेकभैय्या कोल्हे आणि नगराध्यक्ष पराग संधान यांनी महसूलमंत्री चंद्रशेखर बावनकुळे व मुख्यमंत्री देवेंद्र फडणवीस यांच्या माध्यमातून पूर्णत्वास नेला आहे. त्यामुळे अनेक नागरिकांना मोठा दिलासा मिळाला आहे.

राहुल खरात
शहरात विकासकामे मार्गी लागत असून नगरपरिषदेचा कारभार जनतेच्या विश्वासास पात्र ठरत आहे. त्यामुळे साबळे नामक नगरसेविका पतींनी बिनबुडाची टीका करण्यापेक्षा शहराच्या विकासासाठी स्वतःचे योगदान काय, याचे आत्मपरीक्षण करावे. जनतेला आता केवळ आरोप-प्रत्यारोप नकोत, तर प्रत्यक्ष विकासकामे हवी आहेत, असे राहुल खरात यांनी स्पष्ट केले.
या साबळे नामक महाशयांना प्रभागातील नागरिकांनी तक्रारीसाठी फोन केले तर हे त्यांना मला कशाला सांगता तुम्ही नगरपालिकेत जा अशी उडवा उडवी ची उत्तरे देतात त्यामुळे स्वतःची अवस्था सुधारा आणि मग इतरांना सल्ले द्या असा खोचक टोलाही खरात यांनी साबळे यांना लगावला आहे.

Om Sai 24 News

बातमी शेअर करण्यासाठी खाली क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे