माजी मंत्री थोरात यांच्या मार्गदर्शनाखाली सायखिंडी फाटा परिसरातील १०० युवकांचा काँग्रेसमध्ये प्रवेश

यावेळी बोलताना डॉ.जयश्रीताई थोरात म्हणाल्या की, काँग्रेस पक्षाला मोठी त्यागाची व बलिदानाची परंपरा आहे. देशाच्या विकासात काँग्रेसचे अत्यंत महत्त्वपूर्ण योगदान असून राज्यांमध्ये आणि देशांमध्ये ही काँग्रेस पक्ष उभारी घेत आहे. महाविकास आघाडीवर लोकांचा विश्वास वाढला आहे संविधान वाचवणारा हा पक्ष असून युवकांना या पक्षामध्ये काम करण्यास मोठी संधी आहे.

आमदार बाळासाहेब थोरात यांच्या मार्गदर्शनाखाली संगमनेर तालुका हा सुसंस्कृत आणि प्रगतीशील तालुका असून इतर शेजारील काही तालुक्यांमध्ये दडपशाहीचे राजकारण आहे. याउलट संगमनेर मध्ये शांतता आणि सुव्यवस्थेबरोबर सर्वांना बरोबर घेऊन विकास साधला जात आहे. जास्तीत जास्त तरुणांनी काँग्रेस पक्षासह समाजकार्य काम करण्यासाठी पुढे यावे असे आवाहन त्यांनी केले.

यावेळी रोशन गोफणे म्हणाले की, आमदार बाळासाहेब थोरात यांचे राज्यव्यापी नेतृत्व असून त्यांच्यामुळे संगमनेर तालुक्याचा राज्यात सन्मान होत आहे. हे सर्व तरुणांसाठी अभिमानास्पद आहे. यापुढील काळात काँग्रेसच्या माध्यमातून जास्तीत जास्त जन विकासाची कामे करू असा विश्वास त्यांनी व्यक्त केला. याप्रसंगी मल्हारी जेडगुले, मतेश जेडगुले,बाळू सातपुते ,बाळा कुटे, ज्ञानेश्वर खेमनर , आदींसह विविध तरुण उपस्थित होते.या कार्यक्रमात तानाजी शिरतात गौरव डोंगरे निखिल पापडेजा यांनी मनोगते व्यक्त केली.