संत ज्ञानेश्वर इंग्लिश मिडीअम स्कूल मध्ये राष्ट्रीय डॉक्टर्स दिन व कृषी दिन उत्साहात साजरा
संत ज्ञानेश्वर इंग्लिश मिडीअम स्कूल मध्ये राष्ट्रीय डॉक्टर्स दिन व कृषी दिन उत्साहात साजरा
कोपरगाव विजय कापसे दि २ जुलै २०२४– कोपरगाव येथील संत ज्ञानेश्वर इंग्लिश मिडीअम शाळेत सोमवारी डॉक्टर्स डे व महाराष्ट्र कृषी दिन साजरा करण्यात आला. कार्यक्रमात डॉ. बी.सी. रॉय व कृषी क्रांतीला नवे आयाम देणारे माजी मुख्यमंत्री स्व.वसंतराव नाईक यांना आदरांजली वाहण्यात आली आणि डॉक्टरांचे व शेतीचे महत्त्व अधोरेखित करण्यात आले. कर्यक्रमाच्या अध्यक्षस्तानी कोपरगावचे सुप्रसिद्ध दंतरोग तज्ञ डॉ.कुणाल घायतडकर व डॉ भाग्यश्री घायतडकर होते.
या मध्ये सर्व विद्यार्थ्यांनी तपासणीचा लाभ घेत त्यांचे दात तपासून घेतले. तसेच कॅन्सर कंट्रोल मिशन,मीरा रोड,मुंबई येथील वरिष्ठ अधिकारी जुगल नामदेव यांनी सर्व विद्यार्थ्यांशी संवाद साधला व आपले आरोग्य कसे जपावे या बद्दल मार्गदर्शन केले. शाळेच्या शिक्षिका भारती हळगावकर व उमा गिरमे यांनी डॉक्टर डे व कृषी दिनाचे महत्व विद्यार्थ्यांना सांगितले व शाळेतील विद्यार्थिनी कु.भक्ती देवडे हिने सांगितले की डॉक्टर हे नेहमीच महत्त्वाचे राहिले आहेत, पण आमच्या पिढीसाठी ते खरे हिरो आहेत. कोविड दरम्यान महामारी,एखाद्या अदृश्य शत्रूविरुद्ध हॉस्पिटलमध्ये लढले गेलेले महायुद्ध असे वाटले.
