राज्य मराठी पत्रकार संघटनेच्या कोपरगाव तालुका अध्यक्षपदी जनार्दन जगताप
कोपरगाव विजय कापसे दि २० जुलै २०२४–राज्यात सर्वाधिक सभासद संख्या असलेल्या महाराष्ट्र राज्य मराठी पत्रकार संघ, मुंबई या संघटनेच्या कोपरगाव तालुका अध्यक्षपदी तालुक्यातील जेष्ठ पत्रकार जनार्दन साहेबराव जगताप यांची नुकतीच सर्वानुमते निवड झाली असल्याचे नियुक्ती पत्र जिल्हाध्यक्ष सोमनाथ काळे यांनी देत जाहीर केले आहे.
जनार्दन जगताप (सर) हे गेल्या ३० वर्षापासून पत्रकार क्षेत्रात काम करत असून त्यांनी आपल्या लेखणीच्या माध्यमातून सर्व सामान्य जनतेच्या समस्या प्रशासनापर्यंत पाहचूवुन न्याय देण्याचे काम करत पत्रकार क्षेत्रात एक वेगळा ठसा उमटविला आहे.तसेच पत्रकार बांधवांच्या हितासाठी संघटने मार्फत त्यांचा सुख दुखासाठी वेळोवेळी लढा दिला आहे.याच त्यांचा कार्याची दखल घेत राज्याचे अध्यक्ष वसंतराव मुंडे, राज्य सरचिटणीस डॉ विश्वासराव आरोटे यांच्या मार्गदर्शनाखाली जिल्हाध्यक्ष सोमनाथ काळे यांनी जगताप यांची तालुका अध्यक्ष पदी निवड केली आहे.
