दुथडी वाहणाऱ्या गोदातीरी श्रीकृष्ण जन्माचा प्रसंग संजीवनी युवा प्रतिष्ठानने केला सादर 

कोपरगाव विजय कापसे दि २७ ऑगस्ट २०२४–संजीवनी युवा प्रतिष्ठानच्या वतीने आयोजित केली जाणारी गंगा गोदावरी महाआरती कोपरगाव गोदावरी नदीतीरी मोठ्या भक्तीमय वातावरणात संपन्न झाली.चौथा श्रावणी सोमवार आणि श्रीकृष्ण जन्माष्टमी सोहळ्याचा योग साधत युवानेते विवेकभैय्या कोल्हे यांच्या मार्गदर्शनाखाली संजीवनी युवा प्रतिष्ठानने अतिशय उत्साहात साधू संतांच्या उपस्थितीत चैतन्यमय वातावरण निर्मिती केली होती.यावेळी संजीवनी उद्योग समूहाचे अध्यक्ष बिपीनदादा कोल्हे आणि स्नेहलताताई कोल्हे यांच्या हस्ते पूजा करून संतपुजन करण्यात आले.भगवान शंकर महादेवांचा व जय श्रीकृष्णाचा जयघोष यावेळी सर्वांनी केला.