सखी सर्कल वुमेन्स ग्रुपमुळे महिलांचे मैत्रीपूर्ण नाते निर्माण होणार-  स्वाती कोयटे

कोपरगाव विजय कापसे दि १० ऑक्टोबर २०२४: कुटुंबाच्या पलीकडे स्त्रीचे एक विश्व असते. त्या विश्वात ती स्वतःचे छंद जोपासून आनंदी राहावी. त्या विश्वातील संकल्पना समजून घेण्यासाठी समता नागरी सहकारी पतसंस्थेच्या सहकार सभागृहात ‘सखी सर्कल वुमेन्स ग्रुप’ चा उद्घाटन सोहळा नाशिक येथील सामाजिक व महिला चळवळीतील  नेहा खरे यांच्या हस्ते उत्साहात संपन्न झाला. या प्रसंगी सखी सर्कल वुमेन्स ग्रुपच्या संस्थापिका  स्वाती कोयटे म्हणाल्या की, सखी सर्कल वुमेन्स ग्रुप मध्ये सर्व महिला शिक्षित व सक्षम असून स्वतःचे छंद जोपासत स्वतः मधील कला गुणांना वाव देऊ शकतात. या सर्कलच्या माध्यमातून शहरातील महिलांचे मैत्रीपूर्ण नाते निर्माण होणार आहे. या नात्यांमधून सामाजिक दायित्वाची भूमिका पार पाडत शहरातील महिलांच्या व्यवसायातही वाढ होणार आहे. सखी सर्कल वुमेन्स ग्रुपच्या माध्यमातून महिलांसाठी मुक्त व्यासपीठ उपलब्ध करून दिले असून महिलांनी स्वतः मधील कला गुणांना वाव देऊन आत्मसात करावे आणि दुसऱ्यांनाही शिकवावे.