विद्यार्थ्यांनी महाविद्यालयाचा नावलौकिक वाढवावा -डॉ. नितीन जैन
विद्यार्थ्यांनी महाविद्यालयाचा नावलौकिक वाढवावा -डॉ. नितीन जैन
कोपरगाव विजय कापसे दि २५ ऑक्टोबर २०२४– आरजेएस कॉलेज ऑफ फार्मसीमध्ये प्रतिष्ठित अविष्कार २०२४ स्पर्धेचे आयोजन करण्यात आले. औषधनिर्माणशास्त्रातील नावीन्यता आणि सर्जनशीलता वाढवण्यासाठी ओळखल्या जाणाऱ्या या स्पर्धेत संशोधन सादरीकरण, पोस्टर डिस्प्ले आणि नाविन्यपूर्ण औषध विकासाच्या कल्पनांचा समावेश होता.
या कार्यक्रमाची सुरुवात सरस्वती पूजनाने झाली. यावर्षीच्या अविष्कार स्पर्धेत विद्यार्थ्यांनी अत्याधुनिक औषध संशोधनापासून नवीन औषध वितरण प्रणालीपर्यंत अनेक प्रकल्प सादर केले. या कार्यक्रमातील डाॅ.नितिन जैन यांनी औषधनिर्माण उद्योगात नाविन्यतेचे महत्त्व स्पष्ट केले आणि विद्यार्थ्यांना संशोधनाधारित करिअर निवडण्याचे प्रोत्साहन दिले.पोस्टर प्रदर्शनातून विद्यार्थ्यांना नाविन्यता आणि सर्जनशीलता संधी मिळते. नवीन पूर्ण शोध घेणे निष्कर्ष काढणे यातूनच आजच्या गरजा लक्षात घेऊन विद्यार्थ्यांनी संशोधन करावे व महाविद्यालयाचा नावलौकिक वाढवावा असे आवाहन प्राचार्य डॉ. नितीन जैन यांनी केले. डॉ. बाबासाहेब आंबेडकर तंत्रज्ञान विद्यापीठ, लोणेरे महाविद्यालयान स्तरीन अविष्कार 2024 स्पर्धा पार पडली त्यावेळी ते बोलत होते. प्रमुख पाहुण्यांनी संशोधनावर मूल्यांकन केले
तसेच अविष्कार का कसा करावा यावर मार्गदर्शन केले.उपप्राचार्य सौ.उषा जैन. यांनी या कार्यक्रमाच्या यशस्वीतेबद्दल अभिमान व्यक्त केला आणि सांगितले, “अविष्कार हे आमच्या विद्यार्थ्यांसाठी औषधनिर्माण शास्त्राच्या मर्यादा ओलांडण्याची संधी आहे आणि यावर्षी विद्यार्थ्यांनी दाखवलेली प्रतिभा खरोखरच उल्लेखनीय आहे.”स्पर्धेतील विजेते निवडण्यासाठी तज्ज्ञ परीक्षकांनी सर्जनशीलता, वैज्ञानिक दृष्टिकोन आणि प्रकल्पाची व्यावहारिकता या निकषांवर आधारित निवड केली
असे कार्यक्रमाचे समन्वयक प्रा. दादासाहेब कावडे व प्रा. प्रसन्ना दळवी यांनी सांगितले. डॉ. दीपक जैन, डिप्लोमा विभाग प्रमुख प्रा.स्मिता शेटे,प्रा.करवीर आघाडे, प्रा.विजय जाधव, प्रा.सचिन आगलावे, प्रा. संदीप लावरे, प्रा.वर्षा भाटी, प्रा सुवर्णा थोरात, प्रा. सोनाली बोराडे, प्रा.सोनाली राठोड, प्रा.अपूर्वा तोरणे, प्रा. रुद्रेश रत्नपारखी यांनी कार्यक्रमाच्या यशस्वीतेसाठी प्रयत्न केले.या कार्यक्रमाचा समारोप पुरस्कार वितरण सोहळ्याने झाला, जिथे विद्यार्थ्यांचे कौतुक करण्यात आले आणि औषधनिर्माण क्षेत्रात त्यांनी केलेल्या योगदानाबद्दल गौरविण्यात आले. आरजेएस कॉलेज ऑफ फार्मसीमध्ये आयोजित अविष्कार २०२४ अनेक नवोदित संशोधकांसाठी प्रेरणादायी ठरेल.
