देशातील सहकार चळवळीने समताचा आदर्श घ्यावा – खासदार शरदचंद्र पवार

कोपरगाव विजय कापसे दि १३ नोव्हेंबर २०२४ : भारतातील कर्नाटक, केरळ, गुजरात या राज्यात सहकारी पतसंस्था चळवळ अग्रेसर आहे. महाराष्ट्रातील सहकारी पतसंस्था चळवळ ही इतर राज्यांपेक्षाही सक्षम असून महाराष्ट्रातील पतसंस्था चळवळीचे नेतृत्व कोपरगावचे काका कोयटे यांच्याकडे असल्यामुळे शक्य झाले आहे. याचा कोपरगावकरांना अभिमान वाटला पाहिजे. तसेच काका कोयटे यांच्या समता पतसंस्थेतील नाविन्यपूर्ण अत्याधुनिक तंत्रज्ञानाबाबत ऐकत होतो. प्रत्यक्षात समता पतसंस्थेला भेट देऊन ते अनुभवले. समता पतसंस्थेचे नावीन्यपूर्ण अत्याधुनिक तंत्रज्ञानाचा आदर्श देशातील सहकारी चळवळीने घ्यावा.असे गौरवोद्गार सहकाराचे जनक मा. शरदचंद्रजी पवार यांनी काढले.