आत्मा मालिक गुरुकुल येवला येथे प्रजासत्ताक दिन उत्साहात साजरा
आत्मा मालिक गुरुकुल येवला येथे प्रजासत्ताक दिन उत्साहात साजरा
येवला विजय कापसे दि २६ जानेवारी २०२५–विश्वात्मक जंगली ती महाराज आश्रम ट्रस्ट कोकमठाण संचलित आत्मा मालिक इंग्लिश मिडियम येवला गुरुकुलाचे अध्यक्ष विश्वात्मक जंगली महाराज आश्रम ट्रस्टचे सरचिटणीस हनुमंतराव भोंगळे यांच्या मार्गदर्शनातून व प्रेरणेतून आत्मा मालिक इंग्लिश मिडियम गुरुकुल येवला येथे ७६ वा प्रजासत्ताक दिन साजरा करण्यात आला. याप्रसंगी गुरुकुलाचे अध्यक्ष हनुमंतराव भोंगळे , मठाधिपती कंकाली बाबा, व गुरुकुलाचे प्राचार्य तुषार कापसे उपस्थित होते.मान्यवरांच्या हस्ते दीप प्रज्वलन करून प्रतिमा पूजन करण्यात आले.त्यानंतर झेंडावंदन करून राष्ट्रगीत ध्वजगीत आणि महाराष्ट्र गीताने कार्यक्रमाची सुरुवात झाली.
नर्सरी ते नववी पर्यंतचे विद्यार्थी सांस्कृतिक कार्यक्रमांमध्ये सहभागी झालेले होते तर काहींनी देशभक्तीपर भाषण सादर केले. इयत्ता ५ वीच्या विद्यार्थिनींनी देशभक्तीपर समूहगीत सादर केले. इयता ५ वीतील विद्यार्थिनी दृष्टी पाटोळे हिने भारत मातेची वेशभूषा धारण केलेली होती अद्विक काबरा,शौर्य साळवे, अश्विनी खोकले, क्रिशा पहिलवान,प्रज्ञेश कासार, संस्कृती काथवटे, सिद्धी पगारे, नंदिनी डालकरी, संस्कृती जगताप, कावेरी किराडकर,ईश्वरी रासकर, ज्ञानेश्वरी पाटील, काव्या गायकवाड ,प्राजक्ता भगत, गीता कायस्थ, श्रद्धा भावसार, आदित्य चव्हाण, शामल बागुल, सृष्टी रायजादे विद्यार्थ्यांनी भाषण सादर केले.
इयता पहीली, दुसरी, पाचवी व सहावीच्या विद्यार्थिनींनी समूह नृत्य सादर केले. आदिती भावसार, कृष्णाई भावसार, ऐश्वर्या आहेर,श्रुती आघाव ,आर्या जगदाळे, अक्षरा कोकणे सोनम भैया ,पलक भैया, निशिता महाले, भैरवी नागपुरे, आरोही कायस्थ या विद्यार्थिनींनी अतिशय सुंदर नृत्य सादर केले. तसेच दुसरी ची विद्यार्थिनी आदिती भावसार हिने लाठीकाठीकाचा अतिशय सुंदर प्रयोग सर्वांसमोर सादर केला.
नववीच्या विद्यार्थ्यांनी योगा डेमो सादर केला. गुरुकुलाच्या शिक्षिका दिपाली टोपे यांनी प्रजासत्ताक दिनानिमित्त माहिती सांगितली. गुरुकुलाचे अध्यक्ष हनुमंतराव भोंगळे यांनी आपल्या अध्यक्षीय भाषणामध्ये सांगितले की विद्यार्थ्यांवर संस्कार करणे हे खूप महत्त्वाचे आहे.विद्यार्थी जर संस्कारी व संस्कृती जपणारा असेल तर राष्ट्राचे कल्याण होईल. अध्यात्मिक ज्ञान हे खूप महत्त्वाचे आहे.अध्यात्मामध्येच विज्ञान दडलेले आहे हे देखील सांगितले.संस्कृतीला अध्यात्माची जोड असावी आणि अध्यात्माला विज्ञानाची जोड असावी. प्रत्येक मुलीने आपल्या संरक्षणासाठी लाठीकाठी शिकून घेणेे गरजेचे आहे.जेणेकरून प्रत्येक स्त्री, मुलगी स्वतःचे संरक्षण स्वतः करू शकेल.
गुरुकुलाचे प्राचार्य तुषार कापसे यांनी सर्वांना प्रजासत्ताक दिनाच्या शुभेच्छा दिल्या.व मान्यवरांचे आभार मानले. कार्यक्रमाचे सूत्रसंचालन सुजाता हेडगिरे यांनी केले.कार्यक्रमाच्या यशस्वीतेसाठी प्राचार्य, सर्व शिक्षक व शिक्षकेतर कर्मचारी यांनी मोलाचे सहकार्य केले.
