मंत्री राधाकृष्ण विखे पाटील यांच्या प्रयत्नाने संवत्सर प्राथमिक आरोग्य केंद्रास रुग्णवाहिका प्राप्त
मंत्री राधाकृष्ण विखे पाटील यांच्या प्रयत्नाने संवत्सर प्राथमिक आरोग्य केंद्रास रुग्णवाहिका प्राप्त
मंत्री राधाकृष्ण विखे पाटील यांच्या प्रयत्नाने संवत्सर प्राथमिक आरोग्य केंद्रास रुग्णवाहिका प्राप्त
संवत्सर विजय कापसे दि ४ फेब्रुवारी २०२५– राज्याचे जलसंपदा मंत्री ना. राधाकृष्ण विखे पाटील यांच्या प्रयत्नाने अहिल्यानगर जिल्हा परिषदेला मिळालेल्या १८ रुग्णवाहिकांपैकी एक रुग्णवाहिका संवत्सर येथील प्राथमिक आरोग्य केंद्रासाठी प्राप्त झाली असून तिचा शुभारंभ जिल्हा परिषदेचे माजी सदस्य व गोदावरी दूध संघाचे चेअरमन राजेश परजणे पाटील यांच्या हस्ते नुकताच झाला.
कोपरगाव तालुक्यातील संवत्सर प्राथमिक आरोग्य केंद्रास प्राप्त झालेली रुग्णवाहिका राजेश आबा परजणे पाटील यांच्या हस्ते संवत्सर प्राथमिक आरोग्य केंद्रास डॉ. राजेश पारखे यांच्याकडे विधीवत पूजा करून सुपूर्द करण्यात आली.
त्याप्रसंगी राजेश आबा परजणे पाटील यांनी संवत्सर आरोग्य केंद्राअंतर्गत असलेल्या ग्रामीण भागातील गरीब जनतेची आरोग्य सेवा करण्याच्या दृष्टिकोनातून जिल्हा परिषदेने अत्यंत चांगला असा उपक्रम सुरू केलेला आहे. दवाखान्यातील तातडीच्या पेशंटला पुढील उपचार करण्यासाठी तालुक्याच्या ठिकाणी अथवा जिल्ह्याच्या ठिकाणी मोठ्या दवाखान्यात पेशंटला पाठवण्यासाठी सोय झालेली आहे. त्यामुळे परिसरातील जनतेसाठी ही अत्यंत समाधानाची बाब आहे. यामुळे सरकारी दवाखान्याकडे समाजाचा पाहण्याचा दृष्टिकोन देखील बदललेला आहे. ज्या दवाखान्यात सर्व यंत्रसामुग्री व इतर सुविधा असतात त्या ठिकाणी उपचार देखील चांगल्या प्रकारे केला जातो. सरकारी साधनांचा वापर भविष्यामध्ये चांगल्या प्रकारे करावा असे आवाहन करुन डॉ. राजेश पारखे यांच्या कामाचे कौतुक केले. तसेच कोरोना काळात देखील संवत्सर प्राथमिक आरोग्य केंद्राचे काम चांगले केलेले आहे यानिमित्ताने सर्वांना चांगल्या कामासाठी शुभेच्छाही श्री परजणे पाटील यांनी दिल्यात.
याप्रसंगी उपसरपंच श्री विवेक परजणे, श्रीमती डाॅ. खळतकर, लक्ष्मणराव साबळे, सोमनाथ निरगुडे, दिलीपराव ढेपले, शिवाजीराव गायकवाड, औषध निर्माता पाखले, राजेंद्र खरडे यांच्यासह सर्व कर्मचारी, नर्स, आशाताई व ग्रामस्थ उपस्थित होते.
