अमृतवाहिनी पॉलिटेक्निकच्या ७८ विद्यार्थ्यांची बजाज ऑटो मध्ये निवड
संगमनेर विजय कापसे दि २५ फेब्रुवारी २०२५– माजी शिक्षण मंत्री लोकनेते बाळासाहेब थोरात यांच्या मार्गदर्शनाखाली उच्च व गुणवत्तापूर्ण शिक्षणाने देशात लौकिकास्पद ठरलेल्या अमृतवाहिनी तंत्रनिकेतन मधील ७८ विद्यार्थ्यांची नुकतीच कॅम्पस इंटरव्यू मधून बजाज ऑटो लिमिटेड पुणे या नामांकित कंपनीत निवड झाली असल्याची माहिती प्राचार्य प्रा. व्ही बी धुमाळ यांनी दिली आहे.
संस्थेत झालेल्या कॅम्पस इंटरव्यू मधून पुणे येथील नामांकित असलेल्या बजाज ऑटो लिमिटेड या कंपनीत ७८ विद्यार्थ्यांची निवड झाली आहे यामध्ये मेकॅनिकल इंजिनिअरिंगच्या ४६ विद्यार्थ्यांची तर इलेक्ट्रॉनिक्स अँड टेलीकमुनिकेशन विभागातील ३२ विद्यार्थ्यांची निवड झाली आहे. दोन्ही विभागातील ११ विद्यार्थ्यांना रिसर्च अँड डेव्हलपमेंट डिपार्टमेंट मध्ये आणि ६७ विद्यार्थ्यांना बजाजच्या प्रोडक्शन डिपार्टमेंट मध्ये निवडले आहे. या कॅम्पस इंटरव्यू साठी ट्रेनिंग प्लेसमेंट विभागाचे प्रमुख प्रा.शेखर सुर्वे, प्रा.एस.एस. गंधे, प्रा. एस.व्ही.देशमुख, प्रा. जी. एल.बो-हाडे यांनी विशेष प्रयत्न केले.
या सर्व विद्यार्थ्यांचे मा.महसूल मंत्री लोकनेते बाळासाहेब थोरात, विश्वस्त मा. आ. डॉ.सुधीर तांबे, कार्यकारी विश्वस्त शरयूताई देशमुख, मुख्य कार्यकारी अधिकारी अनिल शिंदे, अकॅडमी डायरेक्टर डॉ. जे. बी. गुरव, प्राचार्य प्रा. व्ही. बी. धुमाळ, उपप्राचार्य प्रा. जी. बी. काळे व सर्व विभाग प्रमुख यांनी अभिनंदन केले आहे.