ओगदी ग्रामस्थांच्या वतीने स्व.शंकरराव कोल्हे यांना अभिवादन करत प्रेरणा दिन साजरा

कोपरगाव विजय कापसे दि २४ मार्च २०२५– सहकारमहर्षी माजी मंत्री स्व. शंकरराव कोल्हे यांनी नेहमी मानवसेवा हीच ईश्वरसेवा हा विचार ठेऊन काम केले. समाजातील दुर्बल घटकांना मुख्य प्रवाहात आणण्यासाठी त्यांनी आयुष्यभर काम केले. कोपरगाव आणि परिसराचे नंदनवन होण्यासाठी प्रयत्नांची पराकाष्टा करत दूरदृष्टी जोपासली.त्यांच्याच या कार्याची प्रेरणा घेऊन त्यांच्या जयंतीनिमित्त सगळीकडे प्रेरणा दिन मोठ्या उत्साहात साजरा केला जात असून त्याच अनुषंगाने तालुक्यातील ओगदी ग्रामस्थांच्या वतीने सोमवार दि २४ मार्च रोजी साहेबांना अभिवादन करत प्रेरणा दिन साजरा करण्यात आला.