बिबट्याच्या हल्ल्यात चिमुकला जखमी; स्नेहलताताई कोल्हे यांनी फडके हॉस्पिटलमध्ये भेट घेत चौकशी केली

कोपरगाव विजय कापसे दि २९ जुन २०२५- कोपरगाव तालुक्यातील  येसगाव येथे बिबट्याच्या हल्ल्यात चार वर्षीय कुणाल अजय आहेर हा चिमुकला गंभीर जखमी झाला. ही धक्कादायक घटना सकाळी नऊ वाजता घडल्यामुळे संपूर्ण परिसरात भीतीचे वातावरण पसरले आहे. कुणाल याला बिबट्या उसाच्या शेतात खेचून नेत असताना वाचवण्यासाठी त्याचे आजोबा मच्छिंद्र आहेर यांनी मोठे धाडस दाखवत बिबट्यावर झडप घातली आणि त्याला पळवून लावले. त्यांच्या शौर्यामुळे बालकाचा जीव वाचला असून, संपूर्ण गावात त्यांच्या धाडसाचे कौतुक होत आहे.