संजीवनीच्या २ विद्यार्थ्यांना सेलेबल टेक्नॉलॉजीजमध्ये ७ लाख वार्षिक पॅकेज
गरजु विद्यार्थ्यांना नोकरीच्या संधी उपलब्ध करून देण्यासाठी व्यवस्थापनाचे सातत्यपूर्ण प्रयत्न
कोपरगांव विजय कापसे दि २८ नोव्हेंबर २०२५: संजीवनी इंजिनिअरींग कॉलेजच्या ट्रेनिंग अँड प्लेसमेंट (टी अँड पी) विभागाच्या प्रयत्नातुन आयोजीत सेलेबल टेक्नॉलॉजिज कंपनीच्या कॅम्पस प्लेसमेंट ड्राईव्ह मध्ये बी.टेक. कॉम्प्युटर इंजिनिअरींगच्या वैष्णवी प्रशांत बडजाते व दीपराज राजेंद्र औताडे या दोघांची रू सात लाख वार्षिक पॅकेजसह नोकरीसाठी निवड केली आहे, ही माहिती संजीवनी इंजिनिअरींग कॉलेजने प्रसिध्दी पत्रकाद्वारे दिली आहे.
पत्रकात पुढे म्हटले आहे की आपल्या प्रत्येक गरजु विद्यार्थ्याला चांगल्या पगाराची आणि उत्तम करीअरची संधी मिळावी, हा संजीवनी व्यवस्थापनाचा ध्यास आहे. पालक आणि विद्यार्थ्यांच्या विश्वासाला अनुसरून व्यवस्थापन वेगवेगळ्या उपक्रमांमधुन आपल्या विद्यार्थ्यांना विविध कंपन्यांच्या कसोट्यांना सामोरे जाण्यासाठी व्यवस्थापनाच्या मार्गदर्शनाखाली संपुर्ण टीम आपल्या विद्यार्थ्याना सक्षम करीत असते, आणि त्याचे उत्तम परीणामही मिळत आहे. विद्यार्थ्यांना आलीकडेच निवड केलेल्या सेलेबल टेक्नॉलॉजिज ही डेटा सायंस, बिग डेटा आणि एंटरप्राईज क्लाउड क्षेत्रातील एक प्रमुख सॉफ्टवेअर सेवा कंपनी आहे.
मी कोपरगांवची रहीवासी. माझे वडील छोटे व्यापारी आहेत आई गृहिणी आहे. माझे इ. ११ वी व १२ वी चे शिक्षण संजीवनी ज्युनिअर कॉलेजमध्येच झाले. तेव्हापासुन संजीवनी इंजिनिअरींग कॉलेज कोणत्या उंचीवर आहे, याची जाणिव मला होती. माझ्या बहिणीने २०२१ मध्ये येथिल इंजिनिअरींग कॉलेजमध्ये प्रवेश घेण्यासाठी प्रयत्न केला होता, परंतु तिला कमी सीईटी गुणांमुळे प्रवेश मिळू शकला नाही. घरातीलच उदाहरण असल्याने आपली तशी परीस्थिती होवु नये म्हणुन मी १२ वी सायन्सला खुप अभ्यास केला आणि संजीवनीमध्ये प्रवेशाची इच्छा पुर्ण केली.
कॉलेजच्या दुसऱ्या वर्षापासून कॉलेजने विविध उपक्रमांमार्फत आमची सर्वांगीण विकास साधन्याचा प्रयत्न केला. बहुतांशी विद्यार्थ्यांना कॉलेज मार्फतच नोकरी मिळाली पाहीजे, असा मानस असतो. तसा माझाही होता. सेलेबल कंपनी आणि आमचे कॉलेज यांच्या सामंजस्य करार झालेला आहे. यानुसार आम्हाला एआय-डेटा सायन्स बाबत शिस्तबध्द धडे देण्यात आले. मला या नविन तंत्रज्ञानाची गोडी लागली आणि त्यात मी अधिक विकसीत होण्याचा प्रयत्न करीत राहीले. यासाठी मला बाहेर कोठेही जाण्याची गरज पडली नाही. आमचे कॉलेज ऑटोनॉमस असल्यामुळे या तंत्रज्ञानाचाही समावेश आमच्या अभ्यासक्रमात असल्याने मला अधिक सोपे झाले.
कॉलेजच्या टी अँड पी विभागाने अगदी परीचयपत्र कसे बनवायचे यापासुन तर अनेक मुलाखतींचा सराव करून घेतला आणि अखेर माझा सेलेबल टेक्नॉलॉजीज मध्ये आवडीच्या क्षेत्रात रू ७ लाखांच्या वार्षिक पॅकेजच्या नोकरीची संधी मिळाली, हे संजीवनीमुळे शक्य झाले.-वैष्णवी बडजाते
संजीवनीचे अध्यक्ष नितिनदादा कोल्हे यांनी दोनही निवड झालेले विद्यार्थी व त्यांच्या पालकांचे अभिनंदन केले आहे. तसेच मॅनेजिंग ट्रस्टी अमित कोल्हे यांनी सेलेबल टेक्नॉलॉजिजने निवडलेल्या दोनही गुणवंत विद्यार्थ्यांचा छोटेखानी कार्यक्रमात सत्कार केला. यावेळी डायरेक्टर डॉ. एम.व्ही. नागरहल्ली व विभाग प्रमुख डॉ. माधुरी जावळे उपस्थित होते.
