शहरातील लाडक्या बहिणींची ई-केवायसी १५ मार्च पर्यंत पूर्ण करणार- अंगणवाडी सेविका

यावेळी कोपरगाव शहरातील अंगणवाडी सेविकांनी कोपरगाव नगरपालिका प्रशासनाशी विविध विषयांवर चर्चा करून शासकीय उपक्रमांसाठी आवश्यक ती मदत करण्याचे निश्चित केले आहे.यामुळे शहरातील केवायसीपासून वंचित राहिलेल्या समस्त लाडक्या बहिणींच्या अडचणी दूर होऊन त्यांची ई-केवायसी पूर्ण होण्यास मोठी मदत होणार आहे.या कालावधीत कोपरगाव शहरातील लाडक्या बहिण योजनेची ई-केवायसी पूर्ण करण्यासाठी प्रशासन व नगरपालिकेला आवश्यक ते सहकार्य करावे,असे आवाहन करण्यात आले आहे.

महायुती सरकारच्या माध्यमातून २०२४ मध्ये राज्यातील महिलांच्या सशक्तीकरणासाठी लाडकी बहीण योजना राबविण्यात आली. गरजू व आर्थिकदृष्ट्या दुर्बल महिलांना आर्थिक स्वावलंबन मिळावे, या उद्देशाने ही योजना सुरू करण्यात आली आहे. या योजनेअंतर्गत पात्र लाभार्थी महिलांच्या खात्यावर दरमहा १,५०० रुपये शासनाच्या वतीने थेट जमा केले जातात. या योजनेचा लाभ घेण्यासाठी ई-केवायसी पूर्ण करणे अत्यावश्यक आहे.