सत्ता गेल्यानंतर अस्वस्थ काळे गटाची संभ्रमावस्था उघड पडली – सविताताई मंजुळ

0 1,421 1 minute read

जनतेला फसवणे ही काळे गटाची सवय हे जनतेने ओळखले

कोपरगाव विजय कापसे दि २७ फेब्रुवारी २०२६–कोपरगाव नगरपरिषदेच्या वित्तीय अंदाजपत्रकास मंजुरीची सभा पार पडली.या सभेत आधीच जाहीर केलेल्या अंदाजपत्रकास मंजुरी देणे हा एकमेव विषय होता.आमदार काळे यांच्या ताब्यात असणाऱ्या पालिकेच्या कारभारात अतिशय दुरावस्था शहराची झाली आहे.हजारो कोटींच्या वल्गना हवेत सोडणारे काळे गटाची कार्यकर्ते दिवसेंदिवस तोंडघशी पडत आहे.पालिकेच्या डोक्यावर कर्जाचा डोंगर करून ठेवत भ्रष्टाचाराचे कुरण बनवणाऱ्या काळे गटाला कोल्हे गटाने दिलेल्या आश्वासनावर बोलण्याचा नैतिक अधिकार नाही कारण आम्ही आमचे दिलेले शब्द पूर्ण करण्यासाठी काम सुरू असून त्यासाठी काय प्रकिया करावी लागते त्या दृष्टीने आमचे काम सुरू आहे.नकारात्मक प्रतिक्रिया देणाऱ्या काळे गटाने आधी तीन चार हजार कोटींचे कामे कुठे आहे याचा शोध घेऊन अंतर्मुख व्हावे अशी टीका महिला बालकल्याण सभापती सविताताई मंजुळ यांनी केली आहे.

कोपरगाव शहरातील मालमत्ता धारक महिला असल्यास पाणीपट्टीत मिळणारी सवलत आणि ज्यांचे मुले नगरपालिका शाळेत आहेत त्यांना घरपट्टीत सवलत देण्याची असणारा निर्णय देखील आम्ही घेणार आहोत.तुम्हाला सत्ता असताना काही करता आले नाही आता पालिकेची आर्थिक स्थिती जी आ.काळे यांच्या काळात अतिशय खराब करून ठेवण्यात आली आहे त्याची घडी बसवून सर्वच दिलेले शब्द आम्ही पूर्ण करणार आहोत.

केवळ आश्वासने देणे आणि हजारो कोटींच्या वल्गना हवेत करणाऱ्या काळे गटाने स्वतः आरशात बघण्याची गरज आहे.कोल्हे गटावर दीडच महिन्यात टीका करणाऱ्यांनी आपण काय दिवे लावले आहेत याचा विचार करून मगच भाष्य करावे असे परखड शब्दात मंजुळ यांनी सुनावले आहे.

आम्ही दिलेल्या विश्वासनाम्यातील शब्दांना पूर्ण करण्यासाठी कटीबद्ध आहोत आणि त्यावर काम देखील सुरू झालेले आहे.नागरिकांना सकारात्मक बदल दिसत आहे मात्र सत्ता गेलेल्या काळे गटाला अस्वस्थ वाटत असल्याने त्यांची ही अवस्था झाली आहे.