एक तास गोदावरी स्वच्छतेसाठी कोपरगावकरांचा उत्स्फूर्त

Kopargaon vijay kapse दि २५ मार्च २०२६– अनेक तज्ञांच्या मते भविष्यातील तिसरे महायुद्ध हे फक्त नैसर्गिक साधन संपत्ती वरूनच होणार असून यात पाणी हा महत्त्वाचा घटक असणार आहे त्यामुळे प्रत्येक देशाने पाण्याचे जतन तसेच पाणी वाहून नेणाऱ्या स्त्रोतांची स्वच्छता करणे ही काळाची गरज होऊन बसली आहे आणि यासाठी कोपरगाव शहरातील गोदामाई प्रतिष्ठान ट्रस्ट चे संस्थापक अध्यक्ष आदिनाथ ढाकणे व त्यांची संपूर्ण टीम कोपरगाव शहरातून वाहणाऱ्या पवित्र अशा गोदावरी नदीची ३६० आठवड्यापासून निरंतरपणे स्वच्छता करत आहे. आज बुधवार दिनांक २५ मार्च रोजी त्यांचा या स्वच्छता मोहिमेचा ३६१ वा आठवडा असल्याने या मोहिमेत कोपरगाव शहरातील अनेक मान्यवरांनी सहभागी होत एक तास गोदावरी नदी स्वच्छतेसाठी आपल्या उज्वल भविष्यासाठी ही मोहीम राबवत एक अनोखा संदेश दिला आहे.